Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Innuttaasut arlallit matumalu kinguliini atsiortup Arsiffimmi blok 5ip eqqaani orpiup ukioq manna angissusaa eqqumiiginartimmassuk, Arsiffimmi orpimmut tunngasunik allaffeqarfimmut apeqquteqalaarusuppunga.

1. Ilumoorpa, orpiit (siornatigut) kommunitut ikinngutigisimasamiit Lyngby Tårbækimiit akilerneqartarnikuusut?

2. Kommunip suleqatigiunnaarnera orpiup angissusaata nalinginnaasumiit affaannanngupajaarneranut toqqaannartumik patsisaava?

3. Kommunip sipaarniarnera orpiup ukioq manna angivallaannginneranut patsisaava?

4. Nuummi orpiup siunissami qanoq angissuseqartarnissaa innuttaasut naatsorsuutigisinnaavaat?

Orpimmik ikitsisarneq ukiorpassuarni ileqquuvoq, kinguaariikkuutaanilu ilaqutariinnut pingaarutilerujussuulluni.

Pisartut pingaarutillit taamatut ittut Arsiffimmilu orpiup angissusaa ilanngullugu allanngortissagutsigit, isumaqarpunga suna pissutaanersoq innuttaasut kommunimiit nassuiaattariaqarivut. Taamaattumik apeqqutikka nassiuppakka, innuttaasut eqqumiigisaat pillugu akissutissarsisinneqassasut neriuutigalugu.


Administrationens svar

Arsiffimmi juullip orpia pillugu apeqquteqaatinnut qujanaq.

Juullip orpia ukioq manna Aalborg Kommunemit tunissutaavoq, 10 miiterillu missaannik portussuseqarluni – ukiullu siuliini orpinnut naleqqiullugu 2m-nik pukkinnerusutut nalilerneqarluni. 2 m missaat taakku soorunami orpiup torsussusianut apeqqutaapput, taamaattumillu pukkinnerusutut isikkoqarsinnaalluni. Orpimmik 10m-mik inniminniisoqarnikuuvoq, ukiut siuliini taamatut portutigisumik inniminniisoqarsimaneranik isumaqartoqarmat.

Ilumoorpoq, juullip orpii siornatigut illoqarfittut ikinngutigisatsinnit tunissutaasarmata, kisianni allaffeqarfiup tungaaniit suleqatigiittoqarunnaarnera eqqarsaatigineqarsimavoq. Eqqortussarli anguniarlugu oqaatigineqassaaq, Arsiffimmi orpiup saniatigut kommune makkununnga aningaasaliissuteqarmat:

1) Orpik Reykjavik Kommuneaneersoq, Nukariit eqqaanni Qinngutsinnut inissinneqartoq.?

2) Orpik Frederiksberg kommuneaneersoq, Qeqertarsuatsiaani inissinneqartoq.

Ukioq manna kommune orpinnik pisinissamut sipaaruteqanngilaq – akerlianik orpiit ukioq manna kommunimut ukiut siuliinut naleqqiullugu 40.000 koruuninik amerlanerusunik aningaasartuutaasimapput. Tamatumunnga ilaatigut pissutaavoq illoqarfittut ikinngutigiikkunnaarneq aammalu illoqarfimmut alliartortumut orpinnik amerlanerusunik pisinissaq.

Siunissaq eqqarsaatigalugu Kommuneqarfik Sermersuumi innuttaasut orpiit ukioq mannatut amerlatigisut inissinneqartarnissaat naatsorsuutigissavaat. Ukiuni aggersuni juullip orpii, ukiut siuliinisulli, portunerpaamik 12m-isut portutigisut inniminnerneqartalissapput.