Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00 - 15:00
  2. sis. 12:00 - 17:00
  3. tall. 10:00 - 12:00

Asasara Kommunalbestyrelsimi ilaasortaq, Mala Høy Kúko

Siullermik apeqqutinnut qujanarsuaq

Februaarip ulluisa 15-t, 2019 allatseqarfimmut Tasiilami atuarfiup allilerneqarnissaanut pilersaarutit pillugit kiisalu taassuma killiffia pillugu apeqquteqammik nassiussivutit. Apeqqutivit tunuliaqutigaa innuttaasut amerliartupiloornerisa kingunerisaanik inissaaleqinerujussuaq. Sanarfinermut Avatagiisinullu Ingerlatsiviup apeqqutitit tiguai, imaattut:

1. Tasiilami atuarfiup allilerneqarnissaanut pilersaaruteqartoqarpa?

2. Alliliinissamut pilersaarut sumut killippa?


Administrationens svar

Sanarfinermut Avatangiisinullu Ingerlatsivik paasissutissiivoq, Atuarfeqarnermut immikkoortumut pilersaarut Tasiilami atuarfiup allilerneqarnissaa siunnersuutigineqartoq. Matuma kinguliani atuarsinnaavat, Atuarfeqarnermut immikkoortumut pilersaarut quppernerni sorlerni Tasiilap atuarfianut immikkut atuuttuunersoq.

Atuarfeqarnermut immikkoortumut pilersaarummut tunngatillugu, 2015-imi oktobarip qaammataani 5-iniit 16-inut ukiullit 58-inut amerlinissaat naatsorsuutigineqarpoq, 2013-imi 405-iniit, 2024-imi 463-inut, takuuk qupperneq 35.

Atuarfeqarnermut immikkoortumut pilersaarummut tunngatillugu, 2015-imi oktobarip qaammataani atuarfiup ilalerneqarnissaa siunnersuutigineqarpoq immikkut atuartitsinissamut immikkoortortalerlugu, holdinut atorsinnaasumik initalerlugu kiisalu immikkut atuartitsinermi init atorluarsinnaanngorlugit, takuuk Qupperneq 50

Atuarfeqarnermut immikkoortumut pilersaarummut tunngatillugu, Tasiilami atuarfimmut 2015-imi oktobarip qaammataani iluarsaassinissamut aningaasartuutit, alliliinermut kiisalu aserfallatsaaliuinernut aningaasartuutit takuneqarsinnaapput, imaattut 12.480.000 koruunit aamma 3.921.680 koruunit, takuuk Qupperneq 56, tabel 17.

Taamaattorli siornatigut maannaluunniit sanaartornermi missingersuutini Tasiilami atuarfiup allissusernissaanut aningaasartuutissanik immikkoortitsisoqanngilaq.

Taamaattorli aserfallatsaaliuinissamut aningaasarpassuarnik immikkoortitsisoqarpoq taakkulu 5.100.000 koruuniupput, ukiunut tulliuttunut suliassanut makkununnga atorneqartussat:

- Illut qanoq issusiinik nalunaarsuinerit, qulliit silaannarissarneq ilanngullugit.

- Igalaanik taarsersuinissamut neqerooruteqarneq qalipatassat pisariallit ilanngullugit. Sulisut suliassatik suliarissavaat piffissami 2019-2020.

- Qulliit silaannarissarnerlu pillugit saqqummiineq/siunnersuineq ingerlatsinermi sipaarniarneq siunertaralugu.

Siunnersuisartumik isumaqatigiissusiortoqarpoq, marsip ulluisa 13-t Tasiilamukartussat suliassat taaneqareersut aallartikkiartorlugit.


Inussiarnersumik inuulluaqqusillunga

Hans Henrik Winther Johannsen

Sanarfinermut Avatangiisinullu Ingerlatsivimmi Pisortaq