Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Toqqammavilersuut:

Majoriamut ilinniagaqarfinnullu inuussutissarsiutinut siunertaqartunut qinnuteqartartut ikiliartorneri tusaamanarmat, tamanna eqqornersoq sunalu pissutaanersoq, paaserusutsappara.

Kommunitsinni inuusuttut sullitavut sumi najugaqartiterpat?

Qinnuteqartartut ikiliartorsimappata, taava immaqa ikiliartortut?

Ikiliartornerannut periarfissat allat peqqutaanerpat? Taamaassimappat, suut?

Inuusuttut qassit ornigullini sullissinermi attaveqarfigineqartarpat, qassit suliffeqarnersut, ilinniakkamik ingerlataqarnersut allatulluunniit suliaqarnersut sanilliullugit.

Siunertaq:

Inuusuttut suliffeqanngitsut, ilinniarnermik ingerlataqanngitsut allamilluunniit suliaqanngitsut amerliartorpata, inuusuttunut suliniutivut misissortariaqarpavut nalilersorlugillu, taamaasillutik suliffeqalerniassammata ilinniagaqalerniassammataluunniit.

Ataatsimut isigalugu neqeroorutit inuusuttortatsinnut naleqquttuunersut, taakkununngalu najoqqutassat pitsaasuunersut sulisuttalu piginnaasaat inuusuttut pisariaqartitaannut naleqquttuunersut nalilersoqqittariaqarparput.


Administrationens svar

Kommuneqarfik Sermersuumi 2014-imitut amerlatigisunik Piareersarfimmut qinnuteqartoqarneq ajorpoq. Ullumikkut ukiup affaata ingerlanerani atuagarsorluni piginnaanngorsarnissamut qinnuteqartunik tigusisinnaavugut, taamaattumik 2014-imitut utaqqisunik allattorsimaffeqarunnaarnikuuvugut. (Ullumikkut Nuummi holdinik tallimanik, Paamiuni aamma Ittoqqortoormiini holdimik ataatsimik aamma Tasiilami holdinik pingasunik atuagarsornikkut piginnaanngorsartunik aallartitsinikuuvugut) tamannalu pisariaqartitsinermut naammappoq.

Inuusuttut ikileriaateqanngillat, akerlianilli 1999-ernisaniit 2000-ernisat amerlanerupput. Tassunga atatillugu ulloq 6. marsi 2017 kommunalbestyrelsip immikkut sammisaqarnerani saqqummiussat innersuussutigineqarput.

Apeqqummut ”Qinnuteqartut ikilisimappata, taava ikinnerulersimanerat peqqutaasinnaava?” ilisimatitsissutigisinnaavarput, meeqqat atuarfiannit naammassisut amerlanerit angusatik aallaavigalugit ingerlariaqqissinnaasarmata. Efterskolinut atatillugu malittarisassat nutaat aallaavigalugit meeqqat atuarfianiit ingerlaannaq efterskolernissaminnut qinnuteqartartut amerlapput.

Kommune ornigulluni sulisarnissaanut atatillugu ilisimatitsissutigissavarput, kommunimi Piareersarfinnit inuusuttut tamarmik meeqqat atuarfianiit atuarunnaartut, ilinniagaqalersimanngitsullu imaluunniit piginnaanngorsanngitsut, attavigineqartartut. Ukiaaneraniilli, ukioq taanna meeqqat atuarfianiit anineraniit, angajoqqaat attavigineqartarput. Ukiup tulliani paasiniaaffigeqqittarpavut. 16-iniit 29-nut ukiullit ilitsersuisunit akulikitsumik attavigineqartarput pikkorissarnissamullu aamma sulinermut sungiusarnissamut neqeroorfigineqartarlutik.

Tamatuma saniatigut ilisimatitsissutigissavarput, Suliniutit ataavartumik, sullitanut amerlassusaannullu sanilliullugit, nalilersorneqartarmata. Tamatuma saniatigut ingerlatsivimmit pineqartut atuagarsornikkut ingerlataqanngitsut immikkut eqqumaffigineqarput.