Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Kommunerujussuit atuutilerneraniilli Tasiilami innutaasunik kiffartuussineq malunnartumik innutaasunit naammagisimaarneqarunnaarsimavoq. Pingaartumik Kommunep iluani sulisut qitiusumut nuutsinneqarnerisigut innuttaasut aammalu nuuttariaqarlutik qinersisut kappialasimapput. Tamatumani Kommunemut saaffiginnittarnerit uteqattaartariaqarnerillu innuttaasut qatsussisimallutik apuussisarput. Taamaattumik maanna paaserusunnarsivoq taamaatut sulisunik nussuisariaqalersimaneq sutigut pitsaaquteqarpa akerlianillu qanoq ajoquteqarsimava? Allaat ilisimavarput ukiorpassuarni kommunep iluani sulisimasut ilaquttatik qimakkumanagit suliffimminnit soraaginnartariaqarsimapput ilaquttatik pilliutigiumanagit. Tamakkuupput uani siunertanni ilanngullugit paaserusullugit apeqquteqaatigisakka.

Aningaasatigut qanoq sulisunik nussuisariaqarneq naleqarsimava?

Aningaasat sipaarutaasimasut qanoq Kommunep iluani iluaqutaatigisimappat?

Tasiilami nunaqarfittaanilu Kommunep iluani kiffartuussineq qanoq pitsanngoriaateqarpa?

Sulisut nuuttariaqarsianertik pillugu qanoq maalaaruteqarnikuuppat?

Sulisullu qassit uani pineqarpat?

Sulisut nuukkumanatik aalajangersimasut sumut maalaaruteqarsimappat?

Sumut maalaarfeqarsinnaallutik periarfissaqarsimappat?


Administrationens svar

Kommunalbestyrelsimut ilaasortap Laura Táunâjik apeqqutaanut akissut.

Kommunalbestyrelsimut ilaasortaq Laura Táunâjik, Borgmesterip Allatseqarfia aqqutigalugu apeqquteqarpoq Tasiilami sulisut Nuummut nuutinneqarnerannut nalilersuutigineqartut qanoq kingunersimanersut pillugit.

Aallaqqaasiullugu ajuusaarutigissavara apeqqut aatsaat maannakkut akissuteqarfigigakku. Tamatumunnga pissutaavoq sulisut apeqqummik akissuteqartussat apeqqutip tiguneqarnerata nalaani sulinngiffeqarmata.

2014-mi aningaasatigut aaqqeeqqinnissamik pilersaarummut atatillugu aalajangerneqarpoq, aningaasaqarnermut suliaqarfiit kommunip iluaniittut qitiusumut eqitertinneqassasut. Tamanna pivoq suliassaqarfiup misissuiffiginerani paasineqarmat kommunimi sumi inissisimaneq apeqqutaatillugu suleriaatsit assigiinngitsuusut. Tamatuma kingunerisaanik assigiinngitsutigut innuttaasunut aningaasanik amerlanaakkanik tunniussisoqartarsimavoq, aammalu kommunimi innuttaasut sumi najugaqarneri apeqqutaallutik assigiinngitsumik sullinneqartarsimasut paasineqarluni. Taamaattumik qitiusumik inissiinikkut – assersuutigalugu pisartakkanut tunngatillugu – innuttaasut inatsisitigut illersugaarneri qulakkeerneqassapput Kommuneqarfik Sermersuumilu assigiissakkamik sullinneqalerlutik.

Tamatuma saniatigut suliat innuttaasunut qanimut tunngassutillit pineqanngillat, kisianni illup iluani naatsorsuuserinermut akissarsialerinermullu tunngasut pineqarlutik. Qitiusumut inissiinissamut apeqqut tamarmi taamaasillunilu sullissinerup assigiissarneqarnissaa taamanikkut Qitiusumik Suleqatigiinnissamut Ataastimiititaliamut saqqummiunneqarput, tassanilu qitiusumut inissiinissamut pilersaarut, taamaasillunilu sulisunik ilaatigut Tasiilamiit Nuummut nuutitsinissamik pisariaqartitsineq akuersissutigineqarpoq.

Piffissami 2014 – 2016 innuttaasut Tasiilami kommunimi sulisut imatut kisitsisaatigineqarput:

Ukioq Innuttaasut amerlassusaat KSimi sulisut amerlassusii innuttaasunit %-inngorlugit
2014 2062 574 27,84 %
2015 2093 575 27,47%
2016 2018 575 28,49 %

Assersuutigissagaanni kisitsiti Nuummut tunngasut imaapput:

Ukioq Innuttaasut amerlassusaat KSimi sulisut amerlassusii innuttaasunit %-inngorlugit
2014 16.818 2041 12,14 %
2015 16.992 2033 11,96 %
2016 17.316 2033 11,96 %

Taamaattumik Tasiilami atorfiit innuttaasunut sammisut nutaat pilersinneqarnikuupput, aammalu aningaasaqarnermut tunngasut qitiusumut nuutinnerinut illullu iluani suleriaatsit aaqqinneqarneri, taamaalillutik Kommuneqarfik Sermersuumi Tasiilap illoqarfiani siornatigumut sanilliullugu ikinnerulernikuunngillat.

Apeqqutinut tulliuttunut tunngatillugu uku ilisimatitsissutigineqassapput:

  • Sulisumut nuuttumut ataatsimut timmisartornermut bilitsit kiisalu pisattat nuunnerat 200.000,00 koruunit missaannik akeqarput.
  • Nassuiaatigineqartutut nussuinerup kinguneranik suleriaatsit assigiiaarneqarsimapput, tamatumanilu innuttaasut illersugaanerat salliunneqarlutillu Kommuneqarfik Sermersuumi assigiimmik sullinneqalerlutik.
  • Sulisunit nuussimasunit Sulisoqarnermut Immikkoortortami naammagittaalliuutinik tunniussisoqarnikuunngilaq.
  • Tasiilamiit Nuummut nuuttut pingasuupput.
  • Sulisut nuunnissaminnut kissaateqarsimanngitsut periuseq eqqortoq atorlugu aqutsisuminnut kattuffimmullu ilaasortaaffiminnut saaffiginnissimapput.
  • Sulinermut tunngasuni tamani naammagittaalliuutit aqutsisorisamut qaninnerpaamut aamma Sulisoqarnermut Immikkoortortamut tunniunneqarsinnaapput.

Inussiarnersumik inuulluaqqusillunga /

Med venlig hilsen

Gerth Jakobsen

Facilitychef