Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00
  1. Atortorissaarutit sorliit, qanga soorlu aaneqarsimappat?
  2. Qanoq taarserneqarnissaannut, ilaatigut allanik atortorissaarutinik, aaqqiisoqassava?
  3. Qarasaasianik atortorissaarutinik amigaateqarneq ulluinnarni nalinginnaasumik ingerlatsinissamut Piorsaavimmut unammillernartuusimassasoq naatsorsuutigaara.

Atortorissaarutinut amigaataasunut allatut aaqqiinissamut neqerooruteqartoqarsimanngippat pissutaasut annertunerusumik itisilerlugu nassuiaatigineqarnissaa kissaatigaara.


Administrationens svar

1.

a. Atuarfinni ingerlatsivinnilu qarasaasiatigut atortunik iluarsaassisoqarmat Piorsaavik atortuminik misissuiffigineqarnissaanut saaffigineqarpoq. Januaarip ulluisa sisamaanni qarasaasialerisut misissuiartorlutik Piorsaavimmiipput. Tassani uppernarsineqarpoq atortut qangarnisaasut najukkamilu suliffeqarfimmiit tunissutaasimasut. Qarasaasiat internetimut atuarfiulluunniit attaveqaataanut atassusigaanngillat. Qarasaasialli ilaanni kabalersinnaanerat periarfissaavoq. Atortut peerneqarput iginneqarlutillu. Allat assigalugit pisariaqartitatik allattoriarlugit nassiussinissaannik innersuuneqarput, qarasaasialerinermi siunnersuisoq najuuttoq ilisimatinneqarpoq.

b. Qarasaasiat amerlanerpaat ammarneqarsimapput pinnguariniarneqarsimallutik imaluunniit aaqqinniaraluarlugit.

c. Qarasaasialerisut atuarfiup attaveqaataa internetimullu attaveqaat atoqqissinnaangorlugu iluarsaappaa.

Kommunimit sullissinermi qarasaasianut atortut tamarmik piumasaqaatinut eqqortilluarnissaat paasissallugu pingaaruteqarpoq. Pingaartumik nalinginnaasumik qarasaasiatigut isumannaallisaaneq qarasaasiaqarnikkullu patajaallisaaneq pillugu. Atortorissaarutit eqqartorneqartut nutartersinnaannginnerat peqqutigalugu isumannaallisaanermi ingerlatsinermilu piumasaqaatinut naapertuutinngillat. Atortorissaarutit ajorluinnarnerat peqqutaalluni ingerlatsinermi ileqquusoq malillugu atorunnaarsinneqarlutillu iginneqarput.

2.

a. Atortorissaarutinik nutaanik ikkussuisoqanngilaq, qarasaasianilli siunnersuisoq qarasaasianut atortorissaarutinik kissaatigisatut atorfissaqartitaannik allattueqquneqarpoq. Innersuussut september 2016 tiguneqarpoq. Qaammammi uani qarasaasiat angallattakkat 10-t kissaatigineqartut Piorsaavimmut tunniunneqarsinnaanngorsimapput. Killiffik imaappoq, Piorsaaviup atuartut Tea-miittut nalunaarsussavai taamaasillutik systeminut isersinnaalerniassammata.

b. Qarasaasialerisut torersaanerat sioqqullugu qarasaasianullu atortunik nutaanik tunniussisoqannginnerani qarasaasianut atortut atorsinnaasimanngillat. Taamaattorli atuartut qarasaasianut isersinnaanngillat, attaveqaatiliisoqasimanngimmat. Attaveqaatinut allaffissornermut attuumassuteqartumi. Siunertaq malillugu atorsinnaajuarnikuua.

3.

Piorsaavik aatsaat septembarip qaammataani qarasaasialerinermut atortorissaarutinik kissaatitik pillugit saaffiginnipput.