Meeqqanut Atuarfeqarnermullu Ingerlatsivik

Pillugu:Inuttut ineriartorneq pillugu ilinniartitsineq

RG

Rasmine Geisler

Asasara Kommunalbestyrelsimi ilaasortaq, Rasmine Geisler.

Siullermik apeqqutinnut qujanarsuaq.

Februaarip ulluisa 13-t 2019 allatseqarfimmut Inuttut ineriartornermut ilinniartitsineq pillugu apeqquteqarputit. Meeqqanut Atuarfeqarnermullu Ingerlatsiviup apeqqut ima ittoq tiguaa:

1) Atuarfinni tamani inuttut ineriartorneq qanoq annertutigisumik sammineqartarnersoq?

2) Uani ersarissumik paaserusullugu inuttut ineriartorneq atuartitsissutini allaqqagaangat suut sammineqartarnersut tamakkiisumik qanorlu annertutigisumik.

Apeqqummut tunngatillugu oqarputit, meeqqat angajulliit meeqqat atuarfianni anigaagamik imminnut inuttut ilisimaarinnerunissaat anneruleruni ingerlariaqqittartut ilinniakkamut suliffissanulluunniit qaffariarnissaa qularnanngilluinnarpoq, meeraq inuusuttuararlu imminut inuttut ilisimaarinneruleruni inerisimagunilu sorusunnerluni ersarissumik ilisimanerussavaa. Meeqqallu atuarfiani ingerlariaqqinnissamut ammaneruguni ersersitsisinnaaneq annertunerussaaq meeqqamut, tamannalu peqqutaasarluni tunuarsimaartuunermut matoqqavallaaraanni. Atuartummi angerlarsimaffimminnit siunnersorneqarnissamut inerikkiartornermilluunniit tamakkiisumik periarfissaqartuaannanngimmata

MI

The administration's answer

Inuttut ineriartornermi ilinniartitsineq atuarfimmi atuartitsissutini ilikkagassanilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat nr. 16, 24. juuni 2003-meersoq § 37 aallaavigineqarpoq.

Nalunaarummi §34-imi allaqqavoq Atuartitsinerup siunertaraa atuartut atuarnerminnut ilinniaqqinnissaminnullu atatillugu periarfissaminnik nalilersuineq, anguniagalersorneq, pilersaarusiorneq piukkunnaatilimmillu toqqaaneq ilinniassagaat.

1) Inuttut ineriartornermut nalinginnaasumik ukiumut 30 tiimit immikkoortinneqartarput, tamanna imaappoq tassa sapaatip akunneranut 45 minutsit. Nalinginnaasumilli piffissaq sivisuneq atorneqartarpoq, ilinniagassat anguneqartussat faginut allanut katugunneqarnikuummata.

2) Inuttut ineriartornermi fagi sisamanngorlugu immikkoortinneqarpoq.

– Inuttut ineriartorneq pilersaarusiornerlu Uani immikkoortup ilinniarneqarnerani pinngaarnerpaatinneqarpoq imminut tatigineq allanullu ataqqinninneq.

– Inuttut ineriartorneq Uani immikkoortortami qitiutinneqarpoq ilaquttat, peqqinneq, asanninneq aamma imminullu paarinissaq.

– Suleqatigiinneq attaveqarnerlu Uani immikkoortortami qitiutinneqarpoq suleqatigiinneq attaveqarnerlu.

– Ilinniagaqarneq inuussutissarsiornerlu Uani immikkoortortami qitiutinneqarpoq siunissaq, ilinniagaqarneq, inuussutissarsiorneq aamma suliaqarusussuseq.

Immikkoortunut ataasiakkaanut qanoq piffissaq atorneqartiginersoq oqaatigiuminaappoq, ilaatigut patsisaalluni ilinniartitsisut ilinniartitsinissamut pilersaarusiornerat atuartut ilimagisaat aallaavigalugit. 1 klassimiit 10 klassimut immikkoortut tamaasa ilinniartitsissutigineqarnissaat piumasaqaataavoq, tassani atuartunut ilinniartitsineq naleqqussarneqarluni.

Inuttut ineriartornermi fagini ilinniartitsinissamik anguniagakkat nalunaarusiami taaneqareersumi allaqqavoq aamma tassa taakkuupput Kommuneqarfik Sermersuumi atuartunut ilinniartitsissutigineqartartut.

Ilinniagaqarneq inuussutissarsiornermullu tunngatillugu immikkoortoq, Kommuneqarfik Sermersuumi atuarfinni atuarfimmi siunnersuisartut ilinniagaqarnermut ilitsersuineq 4 klassimiilli 10 klassimut ingerlallugu aallartittarpaat, nunallu sinnerani 6 – 10 klassimiit aallartittartut tassa taama iliortarput atuartut siusissukkut ilinniagassaminnik toqqaaneranit piareersarniarlugit.

Pingaaruteqarpoq naqissusissallugu atuartut ilinniakkamik toqqaanerannut uuttuutit arlaqarnerat, tamanna nunani allani takussutississaqarpoq. Uuttuutigineqartartut ilaat eqqaaneqarsinnaapput makkuusut: angajoqqaat ilinniagaat aningaasaqarnikkullu tunuliaqutaat, qanilaarnermik attaveqarneq, soqutigisat tassunga atatillugu nuannaartorisat kajumissaasiullugit, periarfissanik qulaaniillusooq takunnissinnaannginneq, ilisimasakinneq assersuutigalugu inuussutissarsiornermut tunngasunik ilinniagaqarneq il.il.

Arlaannik itisiliititsiniaruit ingerlatsivik ataatsimeeqatigiumanissaanut tikilluaqqusaavutit.

Inussiarnersumik inuulluarit

Helene B. Berthelsen

Direktør for Forvaltningen for Børn og Skole