Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Inuit ersinngitsumik nappaatilinnut Paamiuni ornittagaqarnissaat pillugu siunnersuutip killiffianik paasiniaaneqUlloq: 16, September 2016-mi apeqquteqaatigigaluarakku, akineqanngeriarama uterfigeqqippara suliamik killiffissiorusullunga.

Neriorsorneqarnera naapertorluga atorfilittaniit suliaq sumut killittarnerani tunngavigalugu ilisimatsinneqartarnissara taamaammat uterfigeqqippara. Siunnersuut kommunalbestyrelsimit akuersissutigineqarpoq, suliarlu Meeqqanut, Ilaqutariinnut Atuarfeqarnermullu Ataatsimiititamut suliassanngorlugu ingerlateqqinneqarpoq, suliallu sumut killinnera paaserusuppara?


Administrationens svar

Siunnersuutip killiffia pillugu saaffiginnissutit, Borgmesterip Allatseqarfianit ulloq septembarip 30-anni 2016 akineqarpoq Kommunalbestyrelse tamatuminnga ilisimatinneqarpoq.

Matumani Borgmesterip Allatseqarfianit ilisimatitsissutigineqarpoq, kommunalbestyrelsip ataatsimiinnerani 4. oktobari 2016-imi politikerit siunnersuutaat tamaasa oqaluuserineqarnerisa killiffii kommunalbestyrelsimut ilaasortanut paasititsissutigineqarumaartut.

Oktobari ulluisa sisamaanni Kommunalbestyrelsip ataatsimiinneranit paasissutissanut takussutissami allassimavoq, suliaq “Innuttaasunut ersinngitsumik innarluutilinnut ornittakkamik pilersitsiniarneq” Meeqqanut, Ilaqutariinnut Atuarfeqarnermullu Ataatsimiititamit akuersissutigineqarsimasoq. Suliniut aallartinneqareersimavoq, aallartisarfimminiillunilu. Neqeroorummut toraakkamut aallartisaanissamut aningaasaliissutit 500.000 kr. akuersissutigineqarput. Piffissami matumani Ingerlatsiviup pisariaqartitat paasinialeruttorpai, taamaalillutik innuttaasut sullinniakkat pisariaqartitaat eqqorlugit neqerooruteqartoqarsinnaaniassammat.