Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Februaarimi 2016-mi politikerinut siunnersuutip killiffia paasiniarlugu apeqquteqaateqarputit.

Paamiuni angerlarsimaffeqanngitsut amerliartornerat ilutigalugu, pisoq ernumanarsiartuinnarsimavoq, angerlarsimaffeqanngitsummi inissianut inoqanngitsunut kiassarneqanngitsunut nuuttalersimammata.  Tamannalu inuunermik naleqarsinnaavoq, tamannalu tusakulaneruleriartorparput.

Aperinitsinnullu peqqutaavoq, Kommunalbestyrelsip siunnersuut Isumaginninnermut, Suliffeqarnermut Inuussutissarsiornermullu Ataatsimiititamut ingerlateqqinniarlugu aalajangernikuummagu, taamaattumillu oqaluuserineqarsimanersoq paasiniarparput? Isumaqarama  paasissutissat siunnersuuteqartumut oqaluuserineqarsimagaangata apuunneqartassasut, taamaammat apeqqutigaara suliaq sumut killissimanersoq? Peqqutigalugu suli tamanna ajornartorsiutaammat.


Administrationens svar

Suliaq Isumaginninnermut, Suliffeqarnermut Inuussutissarsiornermullu Ataatsimiititap marlunngornermi 2016 maajip 17-ianni aamma juunip 29-ianni ataatsimiinnerani oqaluuserineqarpoq, tassanilu ataatsimiititamit innersuussutigineqarpoq ineqarnermut tapiissutit pillugit suliniut ingerlatsiviup suliaralugu ingerlatiinnassagaa.

Kommunalbestyrelsip aggustip 30-anni 2016ineqarnermut tapiissutit pillugit suliniummut inassuteqaat akueraa.
Nuummi Isumaginninnermut, Suliffeqarnermut Inuussutissarsiornermullu Ingerlatsivik, Paamiuni Ingerlatsivik suleqatigalugu pisumut iliuusissatut pilersaarusiorpoq.
Maannamut Paamiuni init marluk, ineqarnermut tapiissutit pillugit suliniutitut tunniunneqarsimapput.
Piffissami matumani Paamiuni ininik mikinerusunik pissarsiniarneq ajornarpoq, tamannalu suliniut aallaavigalugu arlallit inimik tunineqarsimannginnerannut peqqutaaqataavoq.
Paamiuni Ingerlatsivik paasitinneqarpoq, piffissami matumani inissiani inoqanngitsuni angerlarsimaffeqanngitsunik takusaqartoqarsimanngitsoq.