Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Maannakkut Paamiut-ni innuttaasut errorsiveqanngitsut aammalu immaqa periarfissat assigiinngitsut pillugit soqanngilag, tamannalu innutaasuniit amigaatigineqarluarmat, ajornartorsiutillu anigorniar qanoq iliuusisamik ujartuinerummat.

Siunertarineqarsinnaalluarmat immaqa soorlu sanalunneq assigiinngitsunillu suliaqarfiulluarsinnaammat soorlu nunaqarfiit aamma taamatut atugassaqartsitaaneri assingusumik eqqarsaatersorfigalugu taamammat apeqqutigerusuppara Kommunalbestyrelse aalinagermat susassaqarfimmut ataatsimiisitaliamut tassa, Snarfinermut Avatangiisimullu ataatsimiisitaliamut ingerlateqqinneqarnissaa  aaliangiunneqarmat eqqartorneqassasoq, taamaammat apeqqitigerusuppara, aaliangerneqarnera eqqarsaatigalugu qaqugumita tusarfigineqassava? Ilumulu atorfilittaniit eqqartorneqarsimanerluni?


Administrationens svar

Kommuneqarfik Sermersooq assigiinngitsunik kiffartuussisarpoq, soorlu errorsisarfiit. Inissiaatileqatigiiffiit aamma kommunimi illoqarfinni assigiinngitsuni arlalitsigut errorsisarfeqartarpoq.

Kommune taamaallaat Paamiuni tamanut errorsisarfeqanngilaq. Ingerlatsivik isumaqanngilaq errorsisarfiit amigaatigineqartut, naatsorsuutigineqarlunilu pigissaarneq annertusiartortillugu, errorsisarfeqarnissamut inuit amerlasuut pisariaqartitsiunnaariartortut.  Paamiuni errorsisarfik killilimmik isertitaqarfiusussaasoq naatsorsuutigisariaqarparput.

Taamaalilluni Paamiuni errorsisarfimmik ammaanissaq ingerlatsivimmit pilersaarutaanngilaq.

Politikkikkut kissaatigineqassappat Kommunalbestyrelsip missingersuusiornerannut atatillugu suliarineqartariaqassaaq. Errorsisarfimmik ingerlatsineq ukiumut 0.5-1.0 mio. koruunit miss. akeqassaaq. Tamatuma saniatigut pilersitsiniarnermut aningaasat ikinngitsut atorneqarnissaat naatsorsuutigineqassaaq.