Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Toqqammavilersuut:
Nuutoqqami Ameralimminngaaneersumik juullimut orpeqarnissamik siunnersuuteqarninnut tunngavigaara pissusissamisoorsorigakku maani Nuup eqqaaneersumik ”Nuup pissarititaanik” orpeqarnissaq piffissanngorsorigakku.
Assini ilanngussani takuneqarsinnaapput orpiit Ameralimmeersut kusanarluinnartuusut ilaalu aamma anngajaarsuullutik.

Siunertaq:
Nalunngilarput ukiorpassuanngortuni Amerallami orpinnik ikkussilluni aammalu naatitsinermik misilittagaqarluartunik inuttaqarluta.
Siunertat ilagaat Nuummi innuttaasut nalliuttorsioqatigiinnerannut (juullisioqatigiinnerannut) atatillugu inuit taamatut suliaqartut pilersueqataasinnaanerat malunnartissallugu pissusissamisoorsorigakku.


Administrationens svar

Amerallamit juullimut orpissisoqarnissaanik siunnersuut pillugu.

Asasara Peter Davidsen,

Amerallamit juullimut orpissisoqarnissaanik siunnersuutinnut qujanaq.

Maannakkorpiaq juullimut orpiit atorneqartussat tamarmik pisiarineqareerput. Siornatigut illoqarfittut ikinngutigisatsinnit orpiit arlallit pissarsiarereerpavut. Taamaattumik ukioq manna tamanna periarfissaanngilaq.

Kisianni siunnersuut soqutiginarpoq, aappaagumut juullimut orpissinissamut misissuinissamut tunngatillugu suliamik saqqummiussissummik suliaqartoqarumaarpoq.