Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00 - 15:00
  2. sis. 12:00 - 17:00
  3. tall. 10:00 - 12:00

Tasiilami aaqqiissutissat piaartumik

Kommunip susassaqarfiini ammasarfiit aaqqiivigineqartariaqartut.

Tasiilami Timersortarfik: Tasiilami Timersortarfimmi Fitness-ertarfiup ammasarfii

Ataasinngornermiit sapaammut timersortarfik ammarneraniit matunissaata tungaanut fitness ammasassaaq.

Massakkut ammasarfia: Ataasinngorneq-tallimanngorneq 8:30-21:00, Arfininngorneq-Sapaat 11:30-18:30.

Ammasarfiata allannguutissatut siunnersuut: Ataasinngorneq-Tallimanngorneq 08:00-23:00, Arfininngorneq-Sapaat 09:00-22:00. Ammarneraniik matunissaata tungaanut.

Siunertaq tunngavilersuutillu: Siunertaavoq ullormiit ullormut nunaqqataasut timersortarfik ammanerani timigissartarfiliarsinnaallutik, timersortarfik ammanerata nalaani timigissariarsinnaanissamut kikkunniilluunniit periarfissaqartariaqarmat.

Siunertaq ilagivaat sulisumik ataatsimik ulluinnarni weekendtinilu sulisartussanik ilaqqinneqarsinnaagaluarpata.

Tasiilami Fritidsklubbi: Fritidsklubbi inuusuttut ornittagaat

Tallimanngornermi arfinngornermilu fritidsklubbi ammasarnera sivitsorneqassasoq nalunaaqutaq 02:00 tungaanut, siornatigut taamannak ammasarnikuugaluarpoq kisianni ullumikkut weekendtini ammarsarnera sivitsorneqartarfiaqarpoq.

Inuusuttuaqqat ornittagaat weekendtini ammarsarnera sivitsorneqarnissaanut pissusissamisoortoq isumaqarpunga, weekendtini fritidsklubbi matoreernerata kingorna illoqarfimmi inuusuttut eqqissiviilliorlutik aserorteriniakujullutillu aallartittaramik, unnuami marlunut matusaleraluarpat inuusuttuaqqat qasulereerlutik toqqissisimanerullutik angerlartalissagaluarmata.

Siunertaq ilagivaat sulisumik marlunnik weekendtini sulisartussanik ilaqqinneqarsinnaagaluarpata.

Ikinngutinnersumik

Knud Mathiassen

Kommunalbestyrelsimut ilaasortaq

Meeqqanut Atuarfeqarnermullu ataatsimiititaliami ilaasortoq

Meeqqanut Ilaqutariinnullu ataatsimiititaliami ilaasortaq

E-mail: knma@sermersooq.gl Tlf. dir.: 36 77 39


Administrationens svar

Asasara Kommunalbestyrelsimut ilaasortaq, Knud Mathiassen (IA)

Siullermik apeqquteqaatinnut qujanarujussuaq.

Tasiilami Fitness-ertarfiup ammasarfii pillugit allaffeqarfimmut 13. maaji 2019-imi apeqqutinik nassiussivutit Tassani Tasiilami Timersortarfimmi Fitnessertarfiup ammasarfiisa allanngortinneqarnissai kiisalu Fritidsklubbip ammasarfii nal. 02:00 tungaanut sivitsorneqarsinnaanersut apeqqutigineqarpoq. Apeqquteqaatini siunertaavoq innuttaasut timersortarfimmi timigissarnissaminnut periarfissinneqarnissaat kiisalu inuusuttut aserorteriniakujullutillu eqqiissivilliortarnerisa annikillisinneqarnissaat. Ammasarfiit sivitsorneqarnissaat ilutigalugu taakkunani sumiiffinni marlunni sulisut aalajangersimasut amerlinissaat kissaatigaat.

Timersortarfiup ammasarfii 14. maaji 2019-imit atuutilersumik sivitsorneqaqqammersut Meeqqanut Atuarfeqarnermullu Ingerlatsivimmit nalunaarutigineqassaaq, imatullu ammasarfeqalerpoq:

Ataasinngorneq-Sisamanngorneq nal. 0800-2300, tallimanngorneq nal. 0800-2100, arfininngorneqsapaat nal. 1200-2000

Sulisut ilaqqinnagit allannguisoqarpoq.

Fritidsklubbit ammasarfiisa sivitsorneqarnissaanut tunngatillugu ingerlatsiviup aqutsisoq oqaloqatigeqqaarusuppaa, aqutsisoq nammineq ullumikkut inuusuttut aserorteriniakujuttarnerat eqqissiviilliortitsisarnerallu pillugit iliuuseqarnissamut apeqquteqaateqarsimammat. Ingerlatsiviup ajornartorsiutip aaqqiivigineqarnissaa pillugu ersarissumik pilersaarusiortoqareerpat piaartumik tamakkiisumik ilinnut akissuteqarnissani sulissutigissavaa.

Saaffiginnissutinnut qujavugut.

Inussiarnersumik inuulluaqqusillunga

Helene Broberg Berthelsen

Meeqqanut Atuarfeqarnermullu Ingerlatsivimmi pisortaq