Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00 - 15:00
  2. sis. 12:00 - 17:00
  3. tall. 10:00 - 12:00

Toqqammavilersuut:

Ukioq kingulleq neriorsorneqarnikuuvunga 2017.-mi apersuutiginikuusannut akissuteqarfigineqarnikuummat ukioq 2018-mi aqqusernit Paamiuniittut asfalt-erneqassasut. Taamaattoqanngilaq, aqqusernit tamamangajammik aserfallannerat annertusiartormat innuttaasunit saaffiginnittut amerliartormata apeqqutigeqqippara.

Siunertaq:

Ukiuni arlaqalersuni Paamiuni aqqusernit qallerneqanngineri ajornartorsiutaagaluttuinnarput,  sulifeqarfinniit aqqusinerni ammarterinersuaq ingerlanneqarpoq ruujorilerinerit kingorna aqquserngit anertunerpaat asfalteqanngillat. Apeqqutigeqqippara qaqugumita asfalterineq ingerlanneqassava?


Administrationens svar

Asasara Kommunalbestyrelsimut ilaasortaq, Henrik Rachlev

Siullertut pingaarnertullu apeqqutinnut qujanaq.

Ulloq februaarip 7-at 2018 allaffissornermut apeqquteqaammik nassiussivutit, Paamiuni aqquserngit asfaltilersorneqarlutik suliarineqarnissaanik ingerlatsinissaq pillugu, Paamiuni aqquserngit maanna ima aserfallassimatigilermata biilinut ajornartorsiutinik pilersitsilersimanerat.

Tassunga tunngaviuvoq suliffeqarfiit ruujorinik suliaqarnerannut atasumik aqquserngit aserorterneqartarput tamatumalu kinguneranik Paamiuni aqquserngit ilarujussui asfalteerussimallutik.

Eqqornerusumik oqaatigalugu apeqqutigaat qaqugu Paamiuni aqquserngit asfaltilersorneqarnerannik suliaq aallartinneqassanersoq.

Ukiumut missingersuusiornermut atatillugu aningaasanik Paamiuni asfalterinermut atorneqartussamik illuartitsisoqartarpoq.

Aqquserngit qanoq issusianik nalunaarsuineq taamatullu nalinginnaasumik aserfallatsaaliineq, tassunga ilanngullugit aqquserngit putuinik aserorsimasunillu iluarsaassineq Sanarfinermut Avatangiisinullu Ingerlatsivimmit – Paamiuni Ingerlatsineq Avatangiisillu Immikkoortortaanit suliarineqartarpoq.

Suliassat taakkua aasarluarnerani qaammatini Juuni – Aggusti 2018 ingerlanneqarumaarput.

Assaanissamut akuersissutit Ingerlatsineq Avatangiisillu Ingerlatsivimmit pissarsiareqqaarneqassapput ledninginik il.il. suliaqarnissaq sioqqullugu.

Assaareerluni aqqusinernik iluarseeqqinneq kiisalu asfalterineq sanatitsisumit imaluunniit sanaartortumik akilerneqassaaq aamma immaqa ingerlanneqarsinnaavoq.



Inussiarnersumik Inuulluaqqusillunga
Lars Møller-Sørensen
Kommunaldirektøri