Suliffeqarfimmi Kiffartuussineq

+299 36 70 00
kommuneqarfik@sermersooq.gl

Kuussuaq 2, PO 1005
3900 Nuuk

  1. at. - ping. 10:00-15:00
  2. sis. 12:00-17:00
  3. tall. 10:00-12:00

Asasara Kommunalbestyrelsimut ilaasortaq, Randi Vestergaard Evaldsen (D)

Siullermik apeqquteqaatinnut qujanarujussuaq.

Ulloq 28. januaari 2019-imi "Matematikkimi ilinniarnissamut pilersaarut" nuna tamakkerlugu atuuttussaq allaffeqarfimmut apeqquteqaatigivat.

Apeqquteqarninnut tunngavilersuutigivatit ilaatigut, atuartut aningaasaqarnermut tunngasunik isumaliuteqalereersimasassasut, soorlu ulluinnarni pisiassanut, angallannermut, ineqarnermut, akissarsiat naatsorsornerinut akileraartarnermullu tunngasunik.

Tamatumunnga atatillugu kommunimi atuartut angajulliit atuarfinni ataasiakkaani qanoq atuartinneqartarnersut pillugit takussutissartaanik perusupputit. Tiimit qanoq amerlatigisut atorneqartarnersut? Atuartitsinermi atortut suut atorneqartarnersut? Inuiaqatigiinniit peqataatitsisoqartarnersoq, ass. aningaaseriviit assigisaaluunniit.

Apeqquteqaateqarninni ilaatigut missingersuutit isumaqatigiinniutiginerini meeqqat atuarfiini atuutilissappata Inatsisartut inatsisaatigut tamanna pissanersoq tunngavigivat, kisiannili Inatsisartut inatsisaat atuarlugu tamanna periarfissaareersoq ilaatigut allallutit, taamaattumik kommunitsinni tamanna atorneqarnersoq paasisaqarusuttutit?


Administrationens svar

Meeqqanut Atuarfeqarnermullu Ingerlatsiviup akissutit tiguaa ilisimatitsissutigissallugulu, Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat nr. 16, 24. juuni 2003-meersumi § 29 imm. 3 nr. 7 angajullerni matematikkimik ilinniartitsineq naapertorlugu atuartut aningaasaqarnikkut isumaliuteqalereersinnaassasut, ilaatigut ulluinnarni pisiniarnermut, angallannermut, ineqarnermut, akissarsiat naatsorsornerinut akileraarutillu naatsorsornerinut tunngatillugu.

Akileraarutinik naatsorsuisinnaanissaat ima paasineqassanngilaq, nammineerluni nalunaarsuinerit, siumoortumik naatsorsuutit il. il. immersornissaat atuartitsissutigineqartassasut. Ilinniarnissamut anguniakkat naapertorlugit imaappoq, nammineerluni nalunaarsuinerit il. il. immersornissaannut tunngaviusumik sakkussat ilinniassagaat. Atuartitsissutinili amerlanerpaani akileraartarnermut naatsorsuinissamut tunngasut atuartunut atoqqusaasarput, taamaattumik tamakku pillugit angajulliit atuartinneqartarput.

Atuarfinni ataasiakkaani tamakku pillugit tiimit qanoq amerlatigisut atorneqartarpat? Atuartuni angajullerni klassit ataasiakkaat matematikkimik atuartinneqartarneranni ukiumut 150 tiimit missaanni kommunip atuarfiini ataasiakkaani atorneqartarput. Matematikkimili tiimit qanoq amerlatigisut atorneqartarnersut sukumiisumik taassallugu ajornakusoorpoq, pissutigalugu matematikkimi suliat suussusaannut tunngasut assigiinngitsut eqqarsaatigalugit atuartut ataasiakkaat tunngavii apeqqutaajuaannaramik.

Atuartitsinermi atortut suut atorneqartarpat? Atuartitsinermi atortut atorneqarnerpaasartut atuakkat uanngaanneersuupput Ilinniusiorfik Matematikki X1, X2, Y1, Y2 aamma Z1 aamma Z2 kiisalu Sigma. Tamatuma saniatigut matematikfessor.dk aamma clio-online.dk sungiusaatitut atorneqartarput. Ilinniartitsisut ataasiakkaattaaq atuartunut immikkut suliakkiisoqartarpoq imaluunniit internetikkut suliassanik nassaarsiortoqartarpoq.

Inuiaqatigiit assersuutigalugu aningaaseriviit assigisaaluunniit peqataatinneqartarpat? Inuiaqatigiinnik peqataatitsisarnermut apeqquteqaat, assersuutigalugu aningaaseriviit assigisaaluunniit, GrønlandsBanken atuarfiit suleqatigalugit ukiumut ataasiarlutik klassini angajullerni ataasiakkaani oqalugiarlutik saqqummiiartortarput. Grønlandsbankenip saqqummersittagaa qassit.gl aamma matematikkimik atuartitsinermi atorneqartarpoq. Atuartuni angajullerni matematikkimik atuartitsisarneq qanoq ingerlanneqartartoq takusinnaajumallugu ukiumut pilersaarutinit assersuutit pingasut ilanngunneqarput.

Inussiarnersumik inuulluaqqusillunga

Helene Broberg Berthelsen

Meeqqanut Atuarfeqarnermullu Ingerlatsivimmi pisortaq