Kulturimik siuarsaaneq pillugu Siunnersuisoqatigiit

Quppernermi uani Kulturitta siammarsarneqarnissaa pillugu atuarsinnaavutit – Uani ilaavoq kommunimi kulturilerisut suliaat.

Kultureqarnermi najukkani sumiiffiit 13-it akornanni unammillertoqassaaq, isumassarsiortoqarluni aqqutissiuisoqarlunilu, kiisalu kommunimi innuttaasut akornanni ataqatigiinnermik, ataatsimuussutsimik nuannaarnermillu pilersitsisoqassalluni. Ileqquusumik qanga takutitseriaatsit ullumikkullu takutitseriaatsit imminnut isumassarsioqatigiisinneqassapput.

Kommuneqarfik Sermersooq eqqumiitsuliortorpassuaqarpoq kuturikkullu ingerlalluartumik nukittuumillu ingerlataqarfiulluni. Tamatumani pineqarput nalitsinni eqqumiitsulianiit ukiut tuusintillit arlallit oqaluttuarisaanerat pillugu oqaluttuanut.

Kommunip kultureqarnermut politikkiata kulturikkut nutaaliorneq tapersersussavaa eqqumiitsuliortullu sulinermi pitsaasumik atugassaqartinneqarnerat peqataaffigissallugu.

Tamanna siunertaralugu kulturilerinermut tunngasunut immikkut qinnuteqarnermut immikkoortitanut aningaasanik atugassiissuteqartoqarpoq.

Kommuneqarfik Sermersuumi kommunalbestyrelsip 2009-mi novembarip 17-iani aalajangerpaa Aqutsinermut inatsimmi § 31, imm. 3 naapertorlugu Kulturimik siuarsaaneq pillugu Siunnersuisoqatigiit pilersinneqassasut.

Kulturimik siuarsaaneq pillugu Siunnersuisoqatigiit kommunalbestyrelsit tunngavigisassatut aalajangersagaat malillugit aningaasanut kulturimut immikkoortitanut qinnuteqaatinik suliaqartussaavoq.

Kulturitta siuarsarneqarnissaa pillugu Siunnersuisoqatigiit ukunannga ilaasortaqarput:

Kommuneqarfik Sermersuumi Borgmesteri

Avaaraq Olsen

Ilaasortaq Inuit Ataqatigiinnit toqqagaq

Inge Olsvig Brandt

Ilaasortaq Siumumit toqqagaq

Dines Mikaelsen

Ilaasortaq  Demokraatinit toqqagaq

Poul Petersen

Kommunalbestyrelsemit toqqarneqartut marluk

Kimmernaq Kjeldsen

Ilaasortaq  Katuamit toqqagaq

Laura Lennert Jensen

Ilaasortaq  KIMIK-mit toqqagaq

Kristine Spore Kreutzmann