Pisortat oqartussaaffigisaanni suliffeqarfiinilu nioqqutissanik kiffartuussinernilu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq malillugu – kommunimut ukiunut sisamanut ukiunik 1 x 1-inik sivitsuinissamut periarfissalerlugu katillugit ukiunut tallimanut, asaatinut, pappilissanut atortunullu neqeroorutit allattorsimaffii malillugit pisinissamut tamanut neqeroortitsisoqarpoq.
Kommunip nioqqutissanik toqqaanermini tamakkiisumik aningaasaqarneq ilaatinniarpaa. Pisiassap akia kisimi isiginiarneqarneq ajorpoq, pisinermili aningaasartuutit kingunerisassaat aamma isiginiarneqartarput. Soorlu aningaasartuutit makkuusinnaapput nukissiutinik atuineq, pisiap piusinnaassusaa, kiffartuussinermik-, ingerlatsinermik-, allanngujaatsumik- aamma piianermi aningaasartuutit. Aammattaaq pingaartipparput pinngortitamut akornusiinngitsunik nioqqutinik, ulluinnarni annikinnerusumik atuinerit aammalu poortuutinik atuineq annikinnerpaamiitinneqarnissaa.
Tamanna imaappoq pisiassat tamakkiisumik piusinnaanerat misissortarparput, atuisullu pingaarnersiueqatigalugit ataatsimut kommunip aningaasanik atorluaanissaa qularnaarniarlugu.
Neqerooruteqartitsinermut ilaapput, pisariaqartinneqartut aalajangersimasut sukumiisumillu nassuiaateqarfigineqartut malillugit pisatsersuinissamut pisariaqartinneqartut tamakkiisut, taakkulu neqerooruteqartitsinermut paasissutissani allassimapput. Ataasiakkaanik imaluunniit nalinginut (kr.)-inngorlugit ukiumut amerliliisarnissamut qulakkeerisoqanngilaq, taamaattorli 1.800.000,00 koruuninik naleqarnissaat naatsorsuutigineqarpoq. Neqerooruteqartunit toqqarneqartoq tuniniaanermi kiffartuussinermilu salliutinneqassaaq. Kommunip immikkoortuini tamani ataatsimoortumi assingusumillu immikkut akuersissutigineqarpoq isumaqatigiinnikkut takuniarneqarsinnaasumik soorlu massakkut eqqiaariaaseq/eqqiaanermut atortut takuneqarsinnaasut.
Kommuneqarfik Sermersuup pisiniarfigisartagassamik ataatsimik isumaqatigiissusiornissaq kissaatigaa.
Neqerooruteqartitseriaaseq atorneqartoq tassaavoq tamanut neqerooruteqartitsineq
Suliakkiisoq tassaavoq:
Kommuneqarfik Sermersooq
Neqerooruteqarnermut paasissutissat, uunga udbud@sermersooq.gl, saaffiginninnikkut pissarsiarineqarsinnaapput soorlu aamma uunga saaffiginninnikkut apeqquteqartoqarsinnaasoq udbud@sermersooq.gl.
Piffissamut pilersaarut
Neqerooruteqarnissamut killiliussaq tassaavoq 19 apriili 2020, nal. 12.00 Nunatta kitaata nalunaaqutaa malillugu. Neqeroorutit kingusinnerusukkut tiguneqartut itigartinneqartassapput.
Neqerooruteqartitsinissaq pillugu nalunaarut
Neqerooruteqartitsineq kommunip nittartagaatigut, kiisalu Ugeaviisi aqqutigalugu nalunaarutigineqassaaq.
Isumaqatigiissummik tunniussineq
Pitsaanerpaamik neqerooruteqartumut isumaqatigiissuteqartoqassaaq, tunniussinermilu piumasaqaat toqqarneqartoq tassaavoq ”Akit pitsaassutsillu akornanni pitsaanerpaamik naleqqiussineq. Neqerooruteqartitsinermi paasissutissani pitsaassutsikkut najoqqutassat tullinnguuttut allassimapput.
Najoqqutassat tullinnguuttut nalilersuinerlu
| Najoqqutassat tullinnguuttut | Procentinngorlugit nalilersuineq |
| Akia | 40 % |
| Pitsaassuseq atorsinnaassuserlu | taakkunannga 30% Nioqqutissat pitsaassusaat 15% Atorsinnaassuseq 15 % |
| Kiffartuussineq tunniussinerlu | taakkunannga 20% Kommunimik suleqateqarneq 10% Tunniussineq 10% |
| Avatangiisit | 10 % |