Kommuneqarfik sermersuumi inuutissarsiorneq

Ulloq 1. februar 2012-mi Kommuneqarfik Sermersuumi inuutissarsiornerup iluani suliat nutaamik agguataarneqarput Sermersuumi Inuutissarsiornermut Siunnersuisoqatigiit pilersinneqarmata.

Inuutissarsiornerup iluani oqartussaanermut tunngasut kommunimi Inuutissarsiornermut immikkoortortami suliarineqartassapput ineriartortitsinerilli allat Sermersuumi Inuutissarsiornermut Siunnersuisoqatigiinnut nuunneqarput.

Sermersuumi Inuutissarsiornermut Siunnersuisoqatigiinnik pilersitsinikkut inuutissarsiorneq suleriallaqqinnerusumik, eqaannerusumik suliffeqarfinnullu akulerukkusussuseqarnerusumik suleqateqalerpoq, kommunimi inuutissarsiutinik inerisaanermi pitsaanerpaanik atugaqarnissaq anguniarlugu.

Kommuneqarfik Sermersuumi Inuutissarsiutinut immikkoortortaq

Kommuneqarfik Sermersuumi Inuutissarsiutinut immikkoortortap Inuutissarsiutinut ataatsimiititaq sullippaa taamatullu piniarnerup, aalisarnerup nunalerinerullu iluani oqartussaanermut tunngasut suliarisarlugit. Taakku saniatigut piniarnerup, aalisarnerup nunalerinerullu iluini inatsisit pillugit tusarniaasoqartillugu akissutissanik piareersaasarpoq. Aamma inuutissarsiornerup iluani kommunip kiffartuussinermut isumaqatigiissutaasa isumaqatigiinniutigeqqinneri isumagisarpai.

Piniarnermut aalisarnermullu akuersissutinik tunniussisarneq allannguuteqanngilaq, ingerlatsisuuginnartussaammata innuttaasunik kiffartuussiviit.

Sermersuumi inuutissarsiornermut Siunnersuisoqatigiit

Sermersuumi inuutissarsiornermut Siunnersuisoqatigiit Nuummi inissisimapput, Kalaallit Nunaanni illoqarfiit pingaarnersaanni. Siunnersuisoqatigiit nunap immikkoortuani Kommuneqarfik Sermersuumi sulipput. Tassa Nuuk aamma Paamiut kitaani sullillugit kiisalu tunumi Tasiilaq Ittoqqortoormiullu.

Sermersuumi inuutissarsiornermut Siunnersuisoqatigiit ineriartortitsisuuvoq ineriartortitsinerup iluani sinaakkutissanik pilersitsisarnermigut, nutaaliortuuvoq ilisimasanillu ineriartortitsisuulluni. Sermersuumi inuutissarsiornermut Siunnersuisoqatigiit suliarai suliffinnik pioreersunik ineriartortitsineq, immersoqatigiisitsisarneq, aallarnisaasartunillu siuarsaaneq, takornariaqarnerup kiisalu uuliasiornerup, gasisiornerup aatsitassarsiornerullu iluini.

Sermersuumi inuutissarsiornermut Siunnersuisoqatigiit ingerlataanut sinaakkutissat kiisalu siunnersuisoqatigiit aningaasatigut atugassaat ukiumoortumik aalajangersarneqartarpoq Kommuneqarfik Sermersuumik kiffartuussinissa pillugu isumaqatigiissut aqqutigalugu.

Attavissamut paasissutissat:

Sermersuumi Inuutissarsiornermut Siunnersuisoqatigiit

Aqqusinersuaq 48A
Postboks 1051

3900 Nuuk

info@business.gl // tourism@business.gl

Tel: (+299) 34 10 80                    

www.business.gl