Inuussutissarsiutinit aningaasaliissutinit tapiissuteqarnissamut piumasaqaatit

Kommuneqarfik Sermersooq tapiissutitut aningaasaliissutinik pilersitsivoq, Tunumi takornariaqarnerup siuarsarneqarnissaanut suliniutip tapersersornissaa aallartinnissaalu siunertaralugu. Suliniutinut tapiisarnissamut agguaassisarnissaq pingaarnertut eqqartorneqassaaq, tassani Tunumi takornariaqarnermi ingerlatsinissamut sinaakkutissatut piumasaqaatit nalinginnaasut pitsanngorsarneqarnissaat siunertaavoq, kiisalu Suliniutinut sulisut najukkami inissilluareersimasut ineriartortinneqarnissaat. Akerlianilli assersuutigalugu kulturikkut suliniutinut unamminernut suliniutinut, imaluunniit akiitsunut ingerlatsinernut annikillisaanernulluunniit aningaasaliissutit aqqutigalugit tunisisoqarneq ajorpoq. 685.000 koruunit aningaasaliissutaapput.

Kommuneqarfik Sermersooq aningaasaliinikkut aningaasaqarnikkut suliniutip annertusinissaanik kissaateqarpoq, takornariaqarnermi ineriartornerup nukittorsarnissaanik, aamma Tunumi suliffissat arlallit pilersinneqarnissaannik.

Tapiissutitut aningaasaliissutinit maannakkut nunami tamarmi takornarialerinerup siuarsarneqarnissaanut periaasissat tunngavissiissut immikkut suliniutaasut tapiiffigineqartassapput. Tapiissutitut aningaasaliissutinit aningaasaliissut suliniutinut piffissap ingerlanerani imminnut nammassinnaalerumaartussap aallartisarneqarneranni ikiorsiissutitut isigineqarsinnaavoq. Allatut oqaatigalugu; ingerlatsinermut tapiissuteqarneq ajorpugut.

 

Inuussutissarsiutinit aningaasaliissutinit tapiissuteqarnissamut piumasaqaatit

Namminersorluni inuussutissarsiutinut aningaasaliissutit suliniummut tapiissutitut atorneqassasut Kommuneqarfik Sermersuumi naliliisoqarpat piumasaqaatit tullinnguuttut makku aalajangiisuussapput:

• Suliniutit aningaasatigut piaakannersumik imminnut nammassinnaalertariaqarput, taamaalillutik aningaasaliissutit suliniutinut nutaanut aallartinneqartunut ingerlaavartumik atorneqarsinnaassammata (suliniummi Tunumi takornariaqarnermik inuussutissarsiuteqarnermi atugassarititaasut nalinginnaasut pitsanngorsarneqarnissaasa siunertaanera eqqaassanngikkaanni).
• Taapiissutitut aningaasaliissutinit nalinginnaasumik kulturikkut suliniutit tapiiffigineqarneq ajorput, naak kulturikkut suliniut aalajangersimasoq suliffissaqartitsilersinnaagaluartoq.
• Suliniummi inatsisit atuuttut malinneqassapput, tassunga ilanngullugu avatangiisit eqqarsaatigalugit imminut illersorsinnaasumik suliniuteqarneq
• Suliffeqarfiit ataasiinnarmik piginnittullit tapiiffigineqarsinnaapput, tamannalu inatsisini atuuttuneereerpoq, assersuutigalugit:
• Kommunit inuussutissarsiutini il.il. aningaasaliinermikkut inuussutissarsiutinik ineriartortitseqataanissaminnut periarfissaat pillugit Inatsisartut Inatsisaat nr. 23, 18. decembari 2003-meersoq.
• Unammilleqatigiinneq pillugu Inatsisartut inatsisaat nr. 1, 15. maaji 2014-imeersoq (unammilleqatigiinnermut inatsit)
• Suliniutit tapiiffigineqartut ukiumut qaammatisiutit iluanni aallartinneqassapput naammassineqarlutillu.
• Suliniutinut tapiissutinik suliffeqarfioreersunut il.il. unammillernikkut equtitsisussamik tunniussisoqarsinnaanngilaq.
• Tunumi nioqqutissamik pilersitsisoqassaaq imaluunniit Tunumi sullissisoqassaaq.
• Qinnuteqaateqartoq suliniut maannakkut naammassineqartoq pillugu paasissutissanik attuumassutilinnik, tamakkiisunik eqqortumillu paasissutissiilluni saqqummiussissasoq.
• Qinnuteqaateqartup ingerlatsinermut aningaasat piviusorsiorpalaartumik naliliiffigineqarnerat saqqummiussinnaassagaa (suliniummi Tunumi takornariaqarnermik inuussutissarsiummi sinaakkutit nalinginnaasut piumasaqaataasut pitsanngorsarneqarnissaat siunertarineqarpat taakku kisiisa ilanngunnagit).
• Suliniutit 50.000 koruunit sinnerlugit tunniunneqartut aallaavittut immikkoortukkuutaarlugit agguataarneqassapput, taamaalillutik aningaasaliissutit suliniummi siuariartortoqarnera tunngavigalugu naafferarlugit tunniunneqarsinnaaniassammata
• Tapiissutit akiitsunik akiliinernut, ikilisaanernut isumaqatigiissutigalugilluunniit atorneqarsinnaanngillat.
• Nammineerluni akiliisoqarnissaanik piumasaqaateqartoqarsinnaavoq.

Tunumi takornariaqarnermik inuussutissarsiummik siuarsaanermut tapiissutitut aningaasaliissutit kikkut oqartussaaffigaat?

Kommuneqarfik Sermersuumi Kommunalbestyrelsip suliniutit suut Tunumi takornariaqarnermik inuussutissarsiummik siuarsaanermut aningaasaliissutinit kikkut tapiissutisissanersut aalajangissavaa.
Kommunalbestyrelsip Isumaginninnermut, Suliffeqarnermut Inuussutissarsiutinullu Ingerlatsivimmi pisortaq suliniummut ataatsimut 30.000 koruunit angullugit tapiissutinik aningaasaliisinnaatippaa, Kommuneqarfik Sermersuumili pisortaaneq suliniummut ataatsimut 100.000 koruunit angullugit tapiissuteqarsinnaatitaasoq. Aningaasat taakku saniatigut aningaasaliissutit  Isumaginninnermut, Suliffeqarnermut Inuussutissarsiutinullu Ingerlatsivimmit tunniunneqartarput.

Tunumi takornariaqarnermik inuussutissarsiummik siuarsaanissamut tapiissutitut aningaasaliissutinik qinnuteqaatit

Suliniutit tullinnguuttuni makkuninnga imaqarnissaannik siunnersuutit:
• Suliniummi isumassarsiaq
• Pilersitsinissamut ingerlatsinissamullu iliuusissatut pilersaarut piffissalersuullu
• Aaqqissuussaaneq suliniummillu aqutsineq
• Suliffissat qassit pilersinneqartussatut naatsorsuutaanerinik paasissutissiineq
• Aningaasaliineq, tassunga ilanngullugit tapiissutitut aningaasaliissutinit tapiissutit aningaasallu tapiissutaasinnaasut allat
• Suliniummut akisussaasup aqqa najugarisaalu
• Ingerlatsinissamut aningaasatigut piviusorsiorpalaartumik naliliineq (suliniummi Tunumi takornariaqarnermik inuussutissarsiummi tunngaviusumik piumasaqaataasut pitsanngorsarneqarnissaat siunertarineqarpat taakku kisiisa ilanngunnagit)
• Suliniutip nukittussusaanut aamma unammillersinnaaneranut nalilersuinissamut naleqquttumik nassaassaqarneranik uppernarsaat

Siunnersuineq ilitsersuinerlu:

Suliniutip ilusilersorneqarnerani siunnersuisinnaallutalu ilitsersuisinnaavugut. Imaassinnaavoq tapiissutitut aningaasaliissutinit tapiissuteqarnissamut periarfissanik siumut nalilersuinissamut suliniutip naatsumik titartarneqarnera Isumaginninnermut, Suliffeqarnermut Inuussutissarsiutinullu Ingerlatsivimmut nassiunnissaa isumassarsiatsialaasoq. Titartagaq isumassarsiamik sukumiinerusumik oqaluuserineqarnissaanut tunngavissiissaaq.

Suliniutissatut siunnersuutit atinik taasaqarani oqaluuserineqassaaq aamma piginnittussaatitaanermut tunngasinnaasut ataqqineqassapput. Inuit suliniummut tunuliaqutaasut namminersorluni inuussutissarsiutinut aningaasaliissutinit pissarsisut ilaatigut tullinnguuttunik makkuninnga pisussaaffeqartiterput:
• Aningaasaliinermut tunngaviusut naapertorlugit aningaasaliissutinik atuissasut
• Suliniutip ingerlanneqarnera pillugu akuttunngitsumik kommunimut nalunaarusiortassapput
• Aningaasaliissutigineqartut nalingata atorneqarneranut naatsorsuutinik tunniussisoqartassaaq, (ilaatigut agguataarlugit tunniussat, tassani suliniutip annertussusaa apeqqutaalluni)
Tapiissutit ilusaat piumasaqaataasullu pisuni ataasiakkaani tamani isumaqatigiissutigineqartassapput. Aningaasaliissutit ilaat aningaasaliissutini utertinneqartussatut piumasaqaatitalerlugit tunniunneqartarumaarput, tamannalu pisassaaq suliniut aningaasaqarnikkut iluatsitsinermik kinguneqarpat.

Qinnuteqaatit uunga nassiunneqassapput:

Kommuneqarfik Sermersooq
Kuussuaq 2, Postboks 1005
3900 Nuuk, Kalaallit Nunaat
E-maili isi@sermersooq.gl
Faxi:(+299) 31 11 51