Sanaartorfissat qinnutigineqarsinnaasut Kommunimut pilersaarummut tapiliussami, 1A11-2, Quassunnguaq - Nuuk, normu 1-imiit 5-imut.

 

Nuummi qatsissumi, Ukkusissanut Akianullu isikkivilimmi, ilaqutariinnut ataatsinut illumi najugaqarnissat kissaatigiviuk.

Massakkut periarfissaqalerputit, kommunimit sanaartorfissatut atugassat 1-5, C.P. Hollbøllsvejimiit kangimut 400-rtallip qulaaniittut, atugassanngortillugit  nalunaarutigineqarmata

 

Kommunimut pilersaarummut tapiliussami aalajangersakkanit tigulaakkat:

Immikkoortoq inissialiorfissatut, siamasissunik pukkitsunik, ilaqutariit ataatsit illuinik, sanaartorfissatut aalajangersarneqarpoq. Sanaartukkat 1 1/2-mik quleriilittut sananeqarsinnaapput.

Sanaartor-fissaq

Atorneqarnera

Annerpaamik nunaminertap sanaartorfigine-qarnissaa

Sanaartorfissa-mut nunaminertaq

Annertussusai

B1 – B5

Ilaqutariinnut ataatsinut illu

170m2

240m2

12x20 m

 

Kommunimut pilersaarummut tapiliussami immikkoortoq 1A11-2, Quassunnguaq, pillugu immikkoortumi suut atuuttuunersut sukumiisumik atuarlugu paasiniarluarnissaa pingaaruteqarpoq. Kommunimut pilersaarummut tapiliussaq Sanarfinermut Avatangiisinullu Ingerlatsivik aamma Illuutinut Oqartussaqarfik saaffigalugu piniarneqarsinnaavoq, imaluunniit kommunip nittartagaani sermersooq2028.gl-imi atuarneqarsinnaavoq.

Sanaartorfissagissaaneq

Immikkuualuttumi nunaminertamik atugassinneqartussat sumiiffimmi sanaartorfissagissaanermut akiliuteqartitsisoqartussaanera eqqumaffigissavaat, tassa imaappoq, sumiiffimmi aqqusineq aamma pilersuinermut atortunut il.il. Pingaarnertut sanaartorfissagissaanermut, minnerpaamik 1 mio. koruuninik, aningaasartuuteqartoqarnissaa naatsorsuutigineqassaaq, taakkualu siusinnerpaamik nunaminertamik atugassiisoqarneranut atatillugu akilerneqartussaapput, kingusinnerpaamillu sanaartorfissagissaanerup qanoq annertutiginissaa ilisimaneqalerpat akilerneqartussaapput. Pingaarnertut sanaartorfissagissaaneq naatsorsuutigineqarpoq 2020-imi aallartinneqassasoq.

Nunaminertamik atugassinneqarumaartussat periusissat nalinginnaasut malissavaat, innersuussutigineqarluni agguaassinermut atatillugu nunaminertamik atugassiisarnermut aalajangersakkat aamma sanaartorfissamik inniminniinissamut/nunaminertamik atugassinneqarnissamut tunngasumik nalunaaruteqarneq.

Qinnuteqaat

Nunaminertamik atugassinneqarumaartussat qinnuteqarnermut aammalu nunaminertamik atugassinneqarnermut inniminniinermullu piffissaliussat periusiusartullu atuuttut malissavaat.

Qinnuteqartut uku eqqumaffigissavaat:

  • Kinaluunniit inuk, suliffeqarfik, piginneqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq.
  • Makitsinermi qinnuteqarsinnaatitaasut tamarmik makitsinissamut atugassamik ataatsimik peqarnissaat Taamaalillunilu katissimallugu aapparisaq, inuk inoqutigiinneersoq, inuit allat qinnuteqaammut tunngatillugu imaluunniit toqqaannartumik attuumassuteqartut - ataatsimoorussamik soqutigisaqaqateqartut, imaluunniit selskabinut inunnullu selskabimiittunut - piginnittutut imaluunniit ingerlatseqatigiiffiup aqunneqarneranut ilaasut - allalluunniit ingerlatseqatigiiffimmut taassumaluunniit aqunneqarneranut qanimut attuumassuteqartut makitsinermi peqataatinneqarsinnaanngillat, nunaminertanut ataasiakkaanut ataasiinnarmik qinnuteqaateqartoqarsinnaammat. Aamma suliffeqarfissuarnut tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaaneranut imaluunniit ingerlatseqatigiiffinnut marlunnut ataatsimik pingaarnertut aningasaliisulinnut il.il. immikkut qinnuteqarnissaq inerteqqutaavoq.

Sanaartorfissani immikkoortuni 1-5 ataaseq kisiat qinnuteqarfigineqarsinnaavoq.. Qinnuteqartumit sanaartorfissat tamarmik pingaarnersiorlugit nalunaarsorneqarsimassapput, taakkunani qinnuteqartumut salliunneqartoq qinnuteqartumut allamut tunniunneqassagaluarpat.

Qinnuteqaateqarfissaq qaangiuppat qinnuteqaatit ammarneqassapput, tassanilu malittarisassat eqqortumik malinneqarsimanersut nalilerneqassaaq. Eqqortumik malinneqarsimannginnera paasineqarpat, qinnuteqartoq malittarisassanik unioqqutitsisoq ilaajunnaarsinneqassaaq. Qinnuteqaateqarnerni tamani soqutigisaqaqatigiiffiit ataatsimoorussat pillugit malittassani tamanna atuuttuuvoq.

Qinnuteqaammut ilanngunneqassapput:

  • Sanaartornissamut piffissamut pilersaarut, taanna nunaminertamik inniminniinermi aamma atugassinneqarnermi piffissaliunneqartunut atuuttunut naapertuutissaaq.
  • Immikkoortunut pilersaarut nassuiaqqissaagaq
  • Aningaasaliisinnaassuseqarnermik uppernarsaat. Qinnuteqartup qinnuteqaammini inissialiornissami inissiat kommunimut pilersaarummut tapiliussami inissiaqarfik pillugu qanoq amerlatigisinnaanerinik periarfissarititaq malillugu inissialiornissap piviusunngortinneqarsinnaanera uppernarsassavaa. Banki imaluunniit aningaaserivik uppernarsaassaaq, bankip imaluunniit aningaaseriviup nalileraa qinnuteqartoq, qinnuteqartup qinnuteqarnerup nalaani aningaasaqarneranik sukumiisumik nalilersoreerlugu, periarfissaqartoq - pisariaqanngitsumik unitsinneqarani - nunaminertami qinnutigineqartumi sanaartornissap piviusunngortinneqarnissaannut. Uppernarsaanermi apeqqutaassanngilaq qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut apeqqutaatinneqassanngillat. Qinnuteqartup aningaasaqarnera sanaartugassap aningaasalerneqarsinnaaneranut naammassaaq. Banki imalunniit aningaaserivik uppernarsaammi banki taamatut inatsisitigut pisussaaffeqannginneraasinnaanngilaq -banki uppernarsaatip tutsuiginassusia eqqarsaatigalugu akiliisinnaassuseqarnermi piumasaqaatit nalinginnaasut naapertorlugit naliliisussaatitaammat.
  • Qinnuteqaatit taakkuninnga paasissutissanik uppernarsaatinillu imaqartut kisimik nalilersorneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa.

 

Qinnuteqarnissamut piffissaliussaq

Qinnuteqaatit tamarmik kingusinnerpaamik ulloq 20. apriilip 2020 nal. unnuap qeqqartinnagu imaluunniit sioqqullugu tiguneqartut ataatsikkut tiguneqarsimasutut naatsorsuunneqassapput.

Atugassiinerup ingerlanneqarnera

Piumasarineqartunik naammassinnissimasut akornanni Kommuneqarfik Sermersooq makitsissaaq. Makitsineq tamanut ammasuuvoq.

Aammattaaq Kommuneqarfik Sermersuup nunaminertamik atugassiisarnermik nalinginnaasumik aalajangersagai innersuussutigineqarput. http://www.sermersooq2028.gl/gl/nunaminertamik_atugassiineq_/

Annertunerusumik paasissutissat Sanarfinermut Avatangiisinullu Ingerlatsivimmut paasiniarneqarsinnaapput, sai@sermersooq.gl

Nunaminertamik inniminniiniarluni qinnuteqaat uunga nassiunneqassaaq:

Kommuneqarfik Sermersooq

Sanarfinermut Avatangiisinullu Ingerlatsivik

Postboks 1005

3900 Nuuk

imaluunniit elektroniskimik uunga sai@sermersooq.gl

Quppernerup imarisaa qanganitsersimava?

Quppernermut naqqiutissaqarpit?