Inuussutissarsiorfik 4B5-1 Isuliffimmi sanaartorfissat 14-20-t, Qinngutsinniittut matumuuna atugassiisutigineqanngitsutut nalunaarutigineqarput.

Sanaartorfissat sumiinneri kommunimut pilersaarummut tapiliussamut ilanngussartaa 2-mi nunap assitalerneqarnerani takuneqarsinnaapput, kommunillu nittartagaani sermersooq.gl-imi imaluunniit Sanarfinermut Avatangiisinullu Ingerlatsiviup Nunaminertanut Sanaartornermullu Oqartussaqarfianut saaffiginninnikkut pissarsiarineqarsinnaapput.


Nunaminertamik atugassinneqartussat periusissat nalinginnaasut malissavaat, innersuussutigineqarluni agguaassinermut atatillugu nunaminertamik atugassiisarnermut aalajangersakkat aamma sanaartorfissat 14-miit 20-imut inniminniinissamut/nunaminertamik atugassinneqarnissamut tunngasumik nalunaaruteqarneq.


Sumiiffik Kommuneqarfik Sermersuumit sanaartorfissagissarneqareerpoq, nunaminertamillu atugassinneqarumaartussanut eqqumaffigeqquneqarpoq, sanaartorfissagissaanermut akiligassiisoqassammat, sanaartorfissamut ataatsimut akit matuma kinguliini takuneqarsinnaapput.

Qinnuteqartut uku eqqumaffigissavaat:
Kinaluunniit inuk, suliffeqarfik, piginneqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq. Sanaartorfissamut ataasiinnarmut qinnuteqartoqarsinnaavoq.

Qinnuteqaammut ilanngunneqassapput:
· Sanaartorfissani 14-miit 20-mut pingaarnersiuinermi allattuinermi 1-miit 7-mut pingaarnersiuinermik imaqassaaq, tassani 1 pingaarnerpaatut kissaatigineqarluni


· Sanaartorneq atuuffiatalu allaaserineqarnera


· Sanaartornermi piffissalersuut


· Qinnuteqartup sanaartornermut piviusunngortitsinissaanut uppernarsaat, soorlu bankip qularnaveeqqusiinera


Qinnuteqaatit taakkuninnga paasissutissanik imaqartut kisimik nalilersorneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa.

Qinnuteqaatit kingusinnerpaamik ulloq 21.12.2018 tiguneqarsimasut tamarmik ataatsikkut tiguneqartutut isigineqassapput. Qinnuteqartut amerlassusii apeqqutaatillugit sanaartorfissanik agguaassineq makitsinikkut pissaaq. Aammattaaq Kommuneqarfik Sermersuup nunaminertamik atugassiisarnermik nalinginnaasumik aalajangersagai innersuussutigineqarput: sermersooq2028.gl/gl/nunaminertamik_atugassiineq_

Annertunerusumik paasissutissat Sanarfinermut Avatangiisinullu Ingerlatsivimmut paasiniarneqarsinnaapput, oqarasuaat 36 74 44.
Nunaminertamik inniminniiniarluni qinnuteqaat uunga nassiunneqassaaq, Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk, imaluunniit elektroniskimik uunga sai@sermersooq.gl

PDF

Quppernerup imarisaa qanganitsersimava?

Quppernermut naqqiutissaqarpit?