Umiatsiaq akisunerpaamik akileerusuttumut tuniniagaq

Kommuneqarfik Sermersooq maanna umiatsiaq akisunerpaamik akileerusuttumut tuniniarpaa. Umiatsiap ilisarnaataa ilisimaneqanngilaq, taannalu Avatangiisit illersorneqarnissaat pillugu Inatsisartut inatsisaat nr. 9, 22. november 2011 § 36, immik. 1 naapertorlugu saqqummiunneqarnikuuvoq, inatsillu taanna § 36, immik. 2 naapertorlugu maanna tuniniarneqarpoq.

Umiatsiaq isikkuattut isikkoqartillugu tuniniarneqarpoq, umiatsiallu motoria pillugu paasissutissanik Kommuneqarfik Sermersooq pigisaqaranilu atorsinnaassusaannik ilisimasaqanngilaq. Umiatsiap pitsaassusaa atorsinnaaneralu Kommuneqarfik Sermersooq-mit akisussaaffigineqalernerata kingorna misissorneqarnikuunngilaq.

Pisisup taamaattumik eqqumaffigissavaa umiatsiaq isikkumigut isikkoqartillugu tuniniarneqarmat sumilluunniit arlaannik qularnaveeruteqanngitsumik. Umiatsiap tunineqareernerata kingorna Kommuneqarfik Sermersooq umiatsiap aserfallaatsaalineranut imaluunniit ajoqqutinut allanut, motorimullu tunngasunut ajoqqutaasinnaasunut akisussaasunngortinneqarsinnaanngilaq.

Umiatsiaq pisisumut aatsaat tunniunneqarsinnaavoq akissaa akilerneqareerpat. Kommuneqarfik Sermersooq piginnaatippoq umiatsiap qaffasinnerpaamik neqeroortup tullianut umiatsiaq tunissallugu pisisussaq piserusukkunnaassagaluarpat imaluunniit isumaqatigiissuteqareernerup kingorna ullut pingasut qaangiunneranni akilerneqarsimanngippat.

Neqerooruteqannginnermi umiatsiaq misissuataarusukkaanni uunga saaffiginnittoqarsinnaavoq: Kommuneqarfik Sermersooq, Nakkutilliinermi oqartussat, immikkoortortami aqutsisoq, Vilhelm Lynge Hard, oqarasuaat; 36 76 42, imaluunniit teknikkut sulialik, Andreas Mølgaard-Christiansen, oqarasuaat; 36 74 49. Umiatsiaq takuniarneqarsinnaavoq Pingasunngorneq 06-03-2019 nal. 13 – 15 ikuallaavimmi.

Umiatsiamut neqeroorutit Kommuneqarfik Sermersooq-mit tiguneqareersimassapput kingusinnerpaamik 08-03-2019 allakkat puuannut matoqqasuni, taannalu nalunaaqquterneqarsimassaaq: ”Umiatsiamut neqeroorut”, nassiunneqassallunilu; Kommuneqarfik Sermersooq, Nakkutilliinermi oqartussat, Postboks 1005, 3900  Nuuk.