Inigitinneqarallartarfik Nuummiittoq pillugu neqeroortitsineq

Inigitinneqarallartarfimmi Nuummiittumi ingerlatsinerup allaffisornerullu neqeroortitsissutiginissaa aalajangiunneqarpoq. Ingerlanneqarnera il.il.kommunimiit akisussaaffigineqarunnaarluni namminersortunit ingerlanneqalersinnaanera siunertaralugu namminersortuniit neqeroortoqarnissaa siunniunneqarpoq. Neqeroortitsineq Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq naapertorlugu pisortatigoortumik neqeroortitsinertut ingerlanneqassaaq.

Neqeroortitsinermi atortut mailikkut piniarneqarsinnaapput, uannga udbud@sermersooq.gl, aammattaaq tassuuna piffissaliussap iluani Kommuneqarfik Sermersuumi Qitiusumik Pisiortortarfik aallarnisaalluni paasiniaallunilu ataatsimeeqatiginissaanut piffissamik inniminniisoqarsinnaavoq. Piumasat tamarmik neqeroortitsinermi atortuni allassimapput.

Paasissutissat piumasaqaatillu erseqqissut ataani allassimareersut Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersumi atuarneqarsinnaapput:

  1. Kiffartuussinerit neqeroortitsissutaasut: Inigitinneqarallartarfimmi ingerlatsinerup allaffissornerullu neqeroortitsissutigineqarnera
  2. Neqeroortitseriaaseq: Pisortatigoortumik neqeroortitsineq
  3. Kommuunip tunniussinissamut tunngavia tassaavoq: ”Pitsaassuseq akimut naleqqunnerpaaq”
  4. Neqeroornissamut piffissaliussaq: Sapaatit-akunneri marluk
  5. Neqeroorummik allatamik tunniussinissamut ullorititaasoq: Neqeroornissamut ullorititaq kingulleq 12. septembari 2019 nal 12.00
  6. Neqeroortitsinermi atortut uunga piniarneqarsinnaapput: Neqeroortitsinermi atortut mailikkut ugguuna piniarneqarsinnaapput udbud@sermersooq.gl