Nuummi, Nuussuarmi aamma Qinngutsinni eqqakkanik katersineq arsartuinerlu suliariumannittussarsiuussinermit piukkunnarnersiuineq

Matumuuna Kommuneqarfik Sermersooq suliffeqarfinnik soqutiginnittunik, Nuummi, Nuussuarmi aamma Qinngutsinni eqqakkat katersorneqartarnerannik assartorneqartarnerannillu suliariumannittussarsiuussinermi piukkunnarnersiuussinissamut qaaqqusivoq.

Nuummi, Nuussuarmi aamma Qinngutsinni eqqakkat inoqutigiinneersut katersorneqartarnerat ikuallaavimmullu assartorneqartarnissaat suliassaapput. Suliariumannittussarsiuunneqartut marluupput, siulleq Nuummut (3900 Nuuk) aappaalu Nuussuarmut aamma Qinngorput (3905) tunngasuupput. Suliffeqarfiup ataatsip suliariumannittussarsiuunneqartut arlariit neqerooruteqarfigisinnaavai.


Suliariumannittussarsiuussaq 1, Nuuk:

Tassaniipput najugaqarfiit 910-t missaanniittut 1170-inik eqqaavinnut ilisivittallit.

2019-imi sapaatip akunneranut ulluni 5-ini suliffiusuni sapaatip akunneranut ullormut imaarsinerit 235-t missaanniipput.


Suliariumannittussarsiuussaq 2, Nuussuaq aamma Qinngorput:

Tassaniipput najugaqarfiit 1150-it missaanniittut 1300-nik eqqaavinnut ilisivittallit.

2019-imi sapaatip akunnerani ulluni 5-ini suliffiusuni sapaatip akunneranut ullormut imaarsinerit 260-it missaanniipput.


Suliariumannittussarsiuussinermi killeqartumi amerlanerpaamik suliffeqarfiit 5-it piukkunnarnersiorneqassapput, piukkunnarnerillu kisimik neqerooruteqarsinnaapput. Akikinnerpaamik neqerooruteqartumik toqqaanissaq tunngavigineqassaaq.

Suliassaq pillugu isumaqatigiissuteqarnissaq 1.1.2020-31.12.2024-p tungaanut ingerlanissaa naatsorsuutigineqarpoq.

Piukkunnartussarsiornermi peqataarusulluni qinnuteqaat kommunimit tiguneqareersimassaaq, kingusinnerpaamik ulloq 9.10.2019 nal. 12.00 Nunatta kitaani nalunaaqutaq malillugu.


Atortussat nalunaaqutserneqassapput:

"Nuummi (3900 Nuuk) eqqakkanik katersineq assartuinerlu - piukkunnarnersiuineq".

aamma/imaluunniit

"Nuussuarmi aamma Qinngorput (3905 Nuussuaq) eqqakkanik katersineq assartuinerlu - piukkunnarnersiuineq".


Allakkatigut imaluunniit nammineerluni uunga nassiunneqassapput/tunniunneqassapput:

Sermersuumi Eqqakkanik tigooraavik

Pukuffik 2

3905 Nuussuaq     


E-mail-ikkulluunniit uunga:

affald@sermersooq.gl  


Qinnuteqaatit e-mail-ikkut tiguneqartut Sermersuumi Eqqakkanik Tigooraavimmiit tiguneqarsimanerat pillugu uppernarsarneqarsimassaput qinnuteqarfissaq qaangiutsinnagu. 


Piukkunnarnersiuinermi piumasarineqartut pillugit paasissutissat ulloq 25.9.2019-imiit uunga saaffiginninnikkut pissarsiarineqarsinnaapput: Mia Nielsen, e-mail: affald@sermersooq.gl