ANNULERET Nuuk pillugu atuakkamik saqqummersitsinissamut neqerooruteqartitsineq

ANNULERET


ANNULERET

Kommuneqarfik Sermersooq atuakkamik saqqummersitsinissaq piumasaqaatitalimmik neqerooruteqartitsissutigaa - kommune, pisiffigisassarlu toqqarneqarsimasoq allallu pisiniarfigineqartussat peqatigalugit, atuakkamik saqqummersitsissaaq, atuakkami oqaatsit assillu atorlugit illoqarfik illoqarfiullu ineriartornera oqaluttuarineqassaaq. Nunarsuarmi illoqarfiit pingaarnersaasa avannarpasinnersaat pillugu atuagaq ineriartortinneqarlunilu saqqummersinneqassaaq. Oqaatsit assillu atorlugit Nuuk pillugu innuttaasullu pillugit atuakkiaq.

Atuagaq ”Coffee table”-itut angitigissaaq, 30x30 cm., atortorissaarutillu pitsaasut atorlugit Nuup ilisarnaatai tamaasa saqqummersinneqassapput.

Ineriartortitsineq tulliuttunik immikkuualuttortaqarpoq:

  1. Ineriartortitsineq, ilusilersuineq inissitsiterinerlu, katillugillu quppernerit 290-iunissaat naatsorsuutigineqarpoq.
  2. Atuakkap oqaasertassai misissuinissarlu
  3. Assit assillu suliarineqarneri
  4. Saqqummersitsinermi siullermi atuakkanik 2000 miss. naqiterineq naammassinninnerlu, kingorna amerlanernik nioqqutissiortoqarnissaa naatsorsuutigineqarluni. Neqerooruteqartumit paasissutissanik tulliuttunik tunniussisoqarnissaa kissaatigineqarpoq:
    1. Akunnerit ullormullu akigititaq
    2. Suliniummik aqutsineq
    3. Angalaneq nerisaqartitsinerlu akuersissuteqartoqaqqaartilluni akiligassiissutigineqartassapput

Atuagaq oqaatsit pingasut atorlugit saqqummersinneqassaaq; kalaallisut, danskisut tuluttullu. Neqerooruteqarnissamut soqutiginnittut mailikkut saaffiginnissapput indkoeb@sermersooq.gl, ataatsimiinnissamut isumaqatiginninniarluni, tassani suliniut oqaluuserineqassaaq atuakkallu assigisaat neqeroortitsissutigineqartumut assingutinneqarsinnaasoq takutinneqassaaq.

Soqutiginnittuttaaq neqeroortitsinermut tunngavigisaq piumasinnaavaat mailikkut saaffiginninnikkut: indkoeb@sermersooq.gl.

Piumasaqaatitalimmik neqeroortitsineq periusaavoq suliassanik allaanerusunik neqeroortitsineq, tamannalu pisortat akornanni inniminniisartunit atorneqaleraluttuinnarpoq, pissutigalugu niuernikkut pisiniartarfeqarnikkullu Kommuneqarfik Sermersuup kissaatai malillugit suliarineqarsinnaammata taamatullu neqeroortitsissuteqarnermi naammassiortuisinnaaneq, pitsaassuseq minnerunngitsumillu eqaassuseq qulakkeerneqassammata.

Piumasaqaatitalimmik neqeroortitsinermi immikkut piumasaqaatitalimmik neqeroortitsineruvoq, tamannalu sammisaqarluni ileqquusumik neqeroortitsisarnermut sanilliullugu allaanerulluni. Sullissisussanut piumasaqaateqarata (sammisassanut tunngatillugu piumasaqarneq), qanoq atuutissanersoq pillugu piumasaqaateqassaagut aammalu sullissinermi siunissaq ungasinnerusoq eqqarsaatigalugu aningaasaqarneq pillugu piumasaqaateqarluta. Taamaalilluni neqerooruteqartitsisugut niuernermi matumani immikkut ilisimasaqarneq niuernermillu paasisimasaqarneq aallaavigalugit suliassatik namminneq aaqqissuussinnaavaat, taamaalillutillu nutaaliornermut tunngasortaa kiffaanngissuseqarlutik suliarisassallugu.

Piumasaqaatitalimmik neqeroortitsinerup ileqquusumik neqeroortitsinermut sanilliullugu ilisarnaatigaa, piumasaqaatitalimmik neqeroortitsinerni suliassat qanoq suliarineqassanersut sukumiisumik nassuiaasersorneqareerneq ajormata, taamaattorli piniakkatta pitsaassusissaanut atatillugu arlalinnik piumasaqaateqarpugut.

ANNULERET