Container 20 fods aammalu oqorsaatissat iluaniittillugit tuniniagaq

Kommuneqarfik Sermersooq-mit maanna container 20 fods angissusilik oqorsaatissanik imaqartoq tuninarpaa. Containeri imarisaalu Avatangiisit illersorneqarnissat pillugu inatsisartut inatsisaat nr. 9, 22. november 2011-meersoq § 36, immik. 1 naapertorlugu saqqummiunneqarnikuupput. Maanna containeri taassumallu imarisai inatsit taanna § 36, immik. 2 naapertorlugit tuniniarpaa.

Containeri taassumalu imarisai isikkuattut isikkoqartillugit tuniniarneqarput. Containeri siusinnerusukkut Nuuk Imeq-rup eqqaani uninnganikuuvoq, containerilu imarisaalu ukiuni arlalinni uninnganikuupput. Taanna containeri imarisaalu silap allanngornerarneranit, kiassutsit assigiinngitsut immaqalu aamma isugutak containerip iluaniisimasinnaavoq.

Pisisussap taamaammat eqqumaffigissavaa containeri isikkuatut isikkoqartillugu tuniniarneqarmat arlaannaannilluunniit qularnaveeqquserneqanngitsumik. Pisereernerup kingorna Kommuneqarfik Sermersooq sukkulluunniit container-imut aserfallatsaaliisimannginnermut, oqorsaatissallu isugutammik sunnerneqarsimasinnaannerannut akisussaatinneqarsinnaanngilaq.

Containeri imarisaalu pisisumut aatsaat tunniunneqarsinnaapput akiligassaq akilerneqareerpat. Kommuneqarfik Sermersooq imminut piginnaatippoq akiliutigiumaneqartup qaffasinnerpaap tullianut containeri tunissallu, qaffasinnerpaamik akiliiumasoq tunuartissagaluarpat imaluunniit akiliutigineqartussaq kingusinnerpaamik isumaqatigiissuteqarnermiit ullut pingasut qaangiunneranni akilerneqarsimanngippat. Pisereernerup kinguninngua containeri peerneqassaaq, taamaattumik pisisussaq containerimut inissiivissaqarnerminik takussutissiisinnaasariaqarpoq.

Neqerooruteqannginnermi tuniniarneqartoq misissuataarusukkaanni uunga saaffiginnittoqarsinnaavoq; Kommuneqarfik Sermersooq, Nakkutilliinermi oqartussat, immikkoortortami aqutsisoq, Vilhelm Lynge Hard, oqarasuaat; 36 76 42 imaluunniit teknikkikkut sulialik, Andreas Mølgaard-Christiansen, oqarasuaat; 36 74 49. Containeri imarisaalu takuniarneqarsinnaapput ulloq: Pingasunngorneq 06-03-2019 nal. 13 – 15 akornanni ikuallaavimmi.

Akiliutigerusutaq allaganngorlugu allakkat puuannut ikineqassaaq, taannalu Kommuneqarfik Sermersooq-mit kingusinnerpaamik tiguneqareersimassaaq ulloq 08-03-2019. Allakkap puua nalunaaqqutserneqassaaq: ”Containerimut oqorsaatissanik imalimmut neqeroorut”.