Neqeroortitsineq: Meeqqqerivinnut nutaanut pisattanik, atortunik il.il. tunisinissaq

Kommuneqarfik Sermersooq suleqatigalugu Nuuk City Developmentimit Nuummi meeqqerivinnut nutaanut pisattanik, atortunik il.il. tunisinissaq pillugu (suliarinnittussamik) tamanut neqerooruteqartitsineq.

Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq malillugu - Nuummi meeqqerivinnut nutaanut marlunnut pisattanik, atortunik, pinngussanik il.il. neqeroorutit allattorsimaffii malillugit pisinissamut tamanut neqerooruteqartitsineq ingerlanneqarpoq.

Neqerooruteqartitsinermut ilaapput, pisariaqartinneqartut aalajangersimasut sukumiisumillu nassuiaateqarfigineqartut malillugit pisatsersuinissamut pisariaqartinneqartut tamakkiisut, taakkulu neqerooruteqartitsinermut paasissutissani allassimapput.

Nuuk City Developmentip Kommuneqarfik Sermersuullu pisiniarfigisartagassamik ataatsimik isumaqatigiissusiornissartik kissaatigaat.

Neqerooruteqartitseriaaseq atorneqartoq tassaavoq tamanut neqerooruteqartitsineq

Suliakkiisoq

Suliakkiisoq tassaavoq:

Nuuk City Development

Kommuneqarfik Sermersooq Nuuk City Development sinnerlugu matumani neqerooruteqartitsivoq.

Neqerooruteqarnermut paasissutissat, uunga udbud@sermersooq.gl, saaffiginninnikkut pissarsiarineqarsinnaapput soorlu aamma uunga saaffiginninnikkut apeqquteqartoqarsinnaasoq udbud@sermersooq.gl.

Piffissamut pilersaarut

Neqerooruteqarnissamut killiliussaq tassaavoq 24. januaari 2020, nal. 12.00 Nunatta kitaata nalunaaqutaa malillugu. Neqeroorutit kingusinnerusukkut tiguneqartut itigartinneqartassapput.

Neqerooruteqartitsinissaq pillugu nalunaarut

Neqerooruteqartitsineq kommunip nittartagaatigut, www.comdia.gl-ikkut kiisalu Ugeaviisi aqqutigalugu nalunaarutigineqassaaq.

Isumaqatigiissummik tunniussineq

Pitsaanerpaamik neqerooruteqartumut isumaqatigiissuteqartoqassaaq, tunniussinermilu piumasaqaat toqqarneqartoq tassaavoq ”Akit pitsaassutsillu akornanni pitsaanerpaamik naleqqiussineq. Neqerooruteqartitsinermi paasissutissani pitsaassutsikkut najoqqutassat tullinnguuttut allassimapput.

 

Najoqqutassat tullinnguuttut nalilersuinerlu

Najoqqutassat tullinnguuttut

Procentinngorlugit nalilersuineq

1.       Aki (Tamakkiisumik aningaasaqarneq)

40 %

2.       Pitsaassuseq, atorneqarsinnaaneri, ilusai aamma neqeroorutigineqartut

30 %

3.       Kiffartuussineq, tunniussinissamut piffissaliussaq aamma tunniussinissamut piumasaqaatit

20 %

4.       Avatangiisit

10 %