Kommuneqarfik Sermersuumi qarasaasianik ingerlatsisussamik piukkunnartussarsiorneq

Isumaqatigiissutip suliassaqarfittai

Kommuneqarfik Sermersuup kissaatigaa kommunip desktopperiinik serveriinillu ingerlatsinissamut neqerooruteqartoqassasoq, tamatumunnga ilanngullugit atuarfeqarnermut ingerlatsiviup ataani desktopperinik serverinillu ingerlatsineq kiisalu Sermersuup qarasaasiaanik atuisunik ikorfartuineq.

Kommuneqarfik Sermersooq illoqarfinni sisamani nunaqarfinnilu aqqanilinni qarasaasiatigut ingerlatsisarpoq.

Ingerlatsinermik suliassamut ilaapput sulisut qarasaasiaat 4500-t missaanniittut serverillu 120-t, ingerlatsiveqarfinnut pingaarnernut sisamanut katersorneqarsimasut. Ingerlatsineq ikorfartuinerlu kiffartuussinernut makkununnga agguataarneqarnikuuvoq:

  • Incident management
  • Request Fulfillment
  • Change management
  • Monitorering aamma Event Management
  • Patch management
  • Security
  • Backup/Restore
  • Antispam
  • Drift aamma support server
  • Drift aamma support arbejdsstation
  • Desktop Application Service
  • Drift netværk
  • SPOC servicedesk
  • VIP

Isumaqatigiissut 60 mio.-inik naleqassangatinneqarpoq.

Isumaqatigiissut ukiunik 6-inik sivissususeqarpoq.

Ingerlatsinerup saniatigut aamma qarasaasiat atortuinut tunngatillugu pilersuetaanissamik neqerooruteqartut neqerooruteqarsinnaapput.

Inatsisitigut, aningaasaqarniarnikkut aningaasalersuinikkullu kiisalu teknikkikkut paasissutissat

Neqerooruteqarnermi akeq aalajangeriigaq saqqummiunneqassaaq, immaqa atuisumik desktopillu amerlassusaannik allannguinermi naleqqussaanissamut periarfissaqartitsilluni.

  • pisortanut akiitsoqannginneq pillugu ilumoorluinnarluni uppernarsaasoqassaaq.
  • Sulisorisanut tamanut tunngatillugu pinerlussimannginnermut uppernarsaammik tunniussisoqassaaq

Ingerlatsisussap suliassaq kisimiilluni suliarisinnaasariaqarpaa, pilersueqataasitamisut sulisitanik atuivallaarani.

Piumasaqaataavoq neqerooruteqartussaq qarasaasialerinermut atuartunik ilinniartoqassasoq ilinniartunillu nunatsinneersunik ilinniartitsissasoq.

Neqerooruteqartoq nammineq aningaasaliissutinik minnerpaamik 10 mio.-inik peqassaaq.

Neqerooruteqartoq minnerpaamik 20 mio.-inik kaaviiaartitaqassaaq.

Piukkunnartussarsiornermi periuseq

Neqerooruteqartunik amerlanerpaamik pingasunik toqqaasoqassaaq.

Neqerooruteqartut killilimmik amerlassusillit piginnaasaannik, allakkat unnersuussutit nassiunneqartut suliassamut pingaaruteqarnerannik ilanngullugit naliliineq aalajangiinermi tunngavigineqassapput. Pingaarnermik allakkat unnersuussutit neqerooruteqartup suliamik naammassinninnissamut piffissap killiliunneqartup iluani tunniussisinnaassussaanik nalunaarusiorsinnaasussaanillu uppernarsaasut isiginiarneqassapput. 

Piukkunnartussarsiornermi qinnuteqaammik tunniussinissaq

Piukkunnartussarsiorneq pillugu qinnuteqaat kingusinnerpaamik 15/05/2020 nassiunneqassaaq uunga: udbud@sermersooq.gl.

Qinnuteqaat makkuninnga imaqassaaq:

  • Qinnuteqartoq pillugu allaaserinninneq
  • Suliffeqarfimmik allaaserinninneq
  • Sulisoqarnermik allaaserinninneq
  • Nammineq aningaasaliissutigisanut kaaviiaartitanullu uppernarsaatit, taamaaliornermi ukiumoortumik nalunaarusiaq atorneqarsinnaalluni
  • Pisortanut akiitsoqannginneq pillugu ilumoorluinnarluni nalunaaruteqarneq
  • Sulisorisanut tamanut tunngatillugu pinerlussimannginnermut uppernarsaatit
  • Allakkat unnersuussutit