Kommuneqarfik Sermersuup neriniartarfik (Nipisa) Nuutoqqamiittoq attartortussarsiorpaa

Kommuneqarfik Sermersuumit init iluarsaanneqarsimasut neriniartarfittullu atorneqarsinnaasut, Hans Egedesvej 29, quleriit siulliat, pisortatigoortumik neqeroorutigineqarput.

2018-imi aasakkut neqeroortitsereernerup kingornagut, neqerooruteqartunit atsioqatigiissutigalugu isumaqatigiissutigineqarnissaanut naammattunik unammillertoqanngimmat, Kommuneqarfik Sermersuup soqutiginnittut oqaloqatigereerlugit neqerooruteqartitsinermi atortut misissorsimavai nutarterlugillu, kissaatigineqartut sapinngisamik amerlasuut atuutsinneqarnissaat eqqarsaatigalugu. Tamanna attartornermut isumaqatigiissummi §§ 3 aamma 5-imi taamaatinnissamut piffissaliussani aammalu attartornerup angissusaanut tunngasuni assinguvoq.

Sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersoq naapertorlugu neqerooruteqartitsisarneq ilaanngilaq, kingusinnerusukkut allannguuteqartinneqartumi imaluunniit assigiissakkanik neqeroortitsinermi allanik malittarisassaliorneqanngilaq.

Kommuneqarfik Sermersuup anguniarpaa sapinngisamik assigiimmik ilisimasallu tunngavigalugit neqerooruteqartitsisoqarnissaa. 

Neqerooruteqartitsisuuvoq Kommuneqarfik Sermersooq Sanarfinermut Avatangiisinullu Ingerlatsivik Postboks 2 3900 Nuuk

Neqerooruteqartitsinermi toqqammaviusoq

Neqerooruteqartitsinermi toqqammavigineqartut makkuninnga uppernarsaatitaqarput: 

Toqqarneqarnissamut nalilersuutit

Neqerooruteqarumasunut tamanut ammasumik makitsinikkut toqqaasoqassaaq, taakkulu eqqarsaatigalugit neqeroorummi piumasaqaatit minnerpaamik naammassisimassavaat.

Makitsineq ingerlanneqassaaq Kommuneqarfik Sermersuumi Kommuneqarfiup Allaffiani Ataatsimiittarfik nr 1-imi, Kuussuaq 2, 3900 Nuuk, tallimanngorneq novembarip 23-anni 2018 nal 14.00.

Isumaqatigiissut makitaasumut siullermut, piumasaqaatit minnerpaaffiinik naammassinnittumut tunniunneqarumaarpoq.

Neqerooruteqarnerup ilusaa/minnerpaamik piumasaqaatit

Piumasaqaatit minnerpaamik makkuupput 

  • Neqerooruteqartup Ilumoorfiginninnissamik neriorsuinermullu uppernarsaalluni, neqerooruteqarnermini nalunaarutigissavaa pisortanut kr 100.000,00. sinnerlugit akiitsoqannginnini Immersugassaq neqerooruteqartitsinermi atortunut ilanngussaq C-tut ilanngunneqatoq atorneqassaaq.
  • Aningaaserivimmit imaluunniit qularnaveeqqusiisartumit paasissutissiissut, neqerooruteqartumut qularnaveeqqusiissut kr 150.000,00 takutinneqassaaq. Immersugassaq ilanngussaq D-tut neqerooruteqartitsinermi atortunut ilanngullugu nassiunneqarpoq atorneqassallunilu, tassami imarisaa allannguuteqanngippat allannguutit annikinnerusut akuerineqarsinnaammata. 

Neqerooruteqartut Kommuneqarfik Sermersuumut allakkiorlutik neqerooruteqassapput, inuk nammineerluni imaluunnit suliaqarfik inatsisitigut akisussaasoq neqerooruteqartoq, attaveqarfissatut paasissutissat immaqalu CVR nr. ilanngullugit. Allakkami neqerooruteqartup, piumasaqaatitaqanngitsumik, attartornermi isumaqatigiissummi piumasarineqartut (ilanngussaq A) naapertorlugit neriniartarfimmik attartorusunnera paatsuugassaanngitsumik paasissutissiissutigineqassaaq.

Erseqqissaatigineqassaaq, ilanngussaq A isumaqatiginninniutigineqassanngimmat, kisiannili neqerooruteqartut, missingiummi paasiuminaatsitaqartoqarpat oqaaseqaatissaqarunik allakkatigut Kommuneqarfik Sermersuumut saaffiginnissuteqarsinnaasut. Apeqquteqartoqassappat neqerooruteqartitsinermi atortunut ilanngullugit kommunip nittartagaanut akissuteqaatit tamanut saqqummiunneqassapput. Ilanngussaq A neqerooruteqartup makinneqartup Kommuneqarfik Sermersuullu akornanni isumaqatigiissummut toqqammaviussaaq.

Neqeroorummut ilanngullugit nassiunneqassapput pisortanut akiitsoqarnersoq pillugu aningaaserivimmiit paasissutissat eqqortuunerannik uppernarsaat atsiugassaq, neqeroortitsinermi atortunut ilanngussaq C innersuussutigalugu.

Neqeroorutinik tunniussineq

Neqeroorutit Kommuneqarfik Sermersuumut tunniunneqareersimassapput kingusinnerpaamik novembarip 23-anni  2018 nal 14.00, tassami neqeroorutit ”neqerooruteqartitsivimmut” tunniunneqarsinnaammata nal. 14.00 neqerooruteqartitsinerup ammarneqarnissaata tungaanut. Neqeroorutit allakkap puuanut matoqqasumut nalunaaqutserlugit ”Nipisa” uunga tunniukkiartorneqassapput:

Kuussuaq 2, 3900 Nuuk
att.: stabschef Alex Nørskov
Sanarfinermut Avatangiisinullu Ingerlatsivik

Neqeroorutit mail-ikkut imaluunniit elektroniskimik tunniunneqarsinnaanngillat.

Neqerooruteqartup neqeroorummi tunniussiffissamut eqqortumut tunniunnissaa sutigut tamatigut nammineerluni akisussaaffigaa.

Nuuk ulloq 26 oktobari 2018

Kommuneqarfik Sermersooq

PDF


    Quppernerup imarisaa qanganitsersimava?

    Quppernermut naqqiutissaqarpit?