Qimmit qitsuillu pillugit apeqqutissaqaruit piffissami ataani allassimasumi Kommuneqarfik Sermersooq saaffigisinnaavat:
Ataasinngorneq- Tallimanngornerlu nal. 8-16 akornanni oqarasuaat: +299 36 74 00.

Qimmit qitsuillu kommunimit tigusarineqarsimasut kommunimi nalunaarsuiffimmi allattorneqartarput Uumasullu Ikinngutaanut tunniunneqartarlutik. Qimmeq qitsulluunniit qungasequteqanngikkuni akiuussutissamik kapitissimanermut takussutissartalimmik kapitissimanermulluunniit atorsinnaasumik ersittoqanngippat kapitinnissamut nutaamut akiliisoqassaaq imaluunniit toqunneqassaaq. Uumasut inuttassarsiuunneqartut kommunip nittartagaani “Nalunaarutit” ataani takuneqarsinnaapput.

Malugiuk: Uumasut akunnerit 72-it sinnerlugit saqqummiunneqarsimasut inuttaminnit aaneqanngippata inuttaqanngitsutut nalunaarsorneqassammata kingornalu toqutaasallutik.

Uumasuutit kommunip nittartagaani saqqummiuneqarsimappat piaarnerpaamik Kommuneqarfik Sermersooq oqarasuaat +299 36 74 00-imut saaffigissavat. Uumasut tunniunneqarnermiit akunnerni 72-ini tigummineqartarput inuttaasullu uumasuutimi tammarsimanerata nalunaarutiginissaa nammineq akisussaaffigaa.

Qimminik nakkutilliisoq Donnas Dyreklinikimi naapinneqarsinnaavoq piffissani ukunani:

Marlunngornermi nal. 10-14 akornanni
Sisamanngornermi nal. 10-14 akornanni

Aqqusinersuaq 23.-imi.

Imaluunniit e-mail: qarluuseq@gmail.com

Uumasunik aporsinermi ajutoortoqarneraniluunniit Donnas Dyreklinik saaffigissavat oqarasuaat: +299 38 13 13.

Kapitinneq chippilersinnerlu

Kommuneqarfik Sermersuumi qimmit qitsuillu tamarmik perlerornermut DHP-vaccinimillu kapitinnissaat inatsisitigut piumasaqaataavoq, kiisalu chippilersissimanissaq kommunimilu nalunaarsorsimanissaq. Malittarisassat januaarip aallaqqaataani 2017-inimi atuutinneqalersumi tamanna allaqqavoq.

Tamanna pillugu apeqqutissaqaruit kommune saaffigisinnaavat:

Mail: sai@sermersooq.gl

Akinut najoqqutassat Donnas Dyreklinikip nittartagaani takuneqarsinnaapput.

Quppernerup imarisaa qanganitsersimava?

Quppernermut naqqiutissaqarpit?