Kalaallit Nunaanni tamarmi atuuppoq, inatsillu pinngortitap allanngutsaaliorneqarnissaanik qulakkeerinnittuuvoq. Pinngortitamik illersuineq ”uumassusillit pissuseqatigiinnerat aallaavigalugu piujuartitsinermik” aallaaveqassaaq.

Kikkulluunniit pinngortitami angalasinnaatitaallutillu pinngortitamiissinnaatitaapput. Pinngortitalli ilaa pissusaalu ataqqineqartuassaaq, eriagineqartuassaaq qajassuunneqartuassallunilu. Tassa imaappoq, pinngortitami eqqaasoqassanngilaq. Pinngortitamut nassatatit tamarmik igitassanik eqqaasarneq pillugu malittarisassat naapertorlugit eqqartassavatit. Taamaammat eqqaamajuk igitassat pinngortitamiit angerlaateriarlugit eqqartassagakkit.

Pinngortitamik allanngutsaaliuineq pillugu piumasaqaatit sumiiffinnut pingasunut atuupput, sumiiffiillu pineqartut nunataasa ilai pissussaallu imaluunniit avatangiisii kulturitsinnik oqaluttuassartallit misikkarillutillu eriagisassaalluinnarmata allanngutsaaliorneqarput.

Pinngortitamiinneq pinngortitamilu angallanneq pillugu malittarisassat immikkut ittut sumiiffinni illersukkani pineqartuni atuupput.

Sumiiffiit pingasut pineqartut ukuupput:

  1. Qoororsuaq, sumiiffiillu eqqaaniittut
  2. Qeqertaq Akilia
  3. Kangerluup Ikkap qinngua

Link: Uanilu allaaserineqarneri atuarsinnaavat

Quppernerup imarisaa qanganitsersimava?

Quppernermut naqqiutissaqarpit?