Avatangiisit pillugit iliuusissatut pilersaarummi 2006-2010-mi Nuup Kommunerisimasaani avatangiisinut tunngatillugu anguniakkat pingaarnerit suliassaqarfiusunut tullinnguuttunut makkununnga nalunaarsuusiorneqarput:

  • Suliffeqarfiit atortullu
  • Pinngortitamik aqutsineq
  • Kommune
  • Avatangiisit pillugit ilisimatitsinerit sullissinerlu
  • Timmisartunut mittarfissuaq umiarsualivissuarlu
  • Imermik atuineq imikorlu
  • Silaannarmik mingutsitsineq
  • Eqqakkat
  • Angallanneq
  • Nukissiuutit atorlugit pilersuinerit
  • Nunamik mingutsitsineq

Anguniakkat anguniarlugit suliassaqarfiusorpassuarni avatangiisini pissutsinik pitsaanngorsaanissaq suliniutigineqassaaq. Taamaattumik avatangiisit pillugit iliuusissatut pilersaarummi pilersaaruterpassuit anguniakkat angunissaannut iluaqutaasussat allaaserineqarput.

Pilersaarutivik allaffissornermik suliaqartunut sulinermi sakkussatut suliarineqarpoq kisiannili politikerinit soqutigisaqaqatigiinnillu allanit isummersuutitut atorneqarsinnaavoq.

Avatangiisit pillugit iliuusissatut pilersaarut 2006-2010 uani aajuk.

2005-imi avatangiisit pillugit iliuusissatut pilersaarummik 2006-2010-mik suliaqalernerup kingornali avatangiisinut tunngasut annertuumik ineriartortinneqarsimapput. Avatangiisini ajornartorsiutit nalinginnaasut pillugit soqutiginninnerulernerup saniatigut 2009-mi januaarip ulluisa aallaqqaataani kommunit kattussuunneqarnerata kingunerisaanik kommunimi avatangiisit pillugit suliaqarnerit allanngortinneqarsimapput. Taamaattumik pilersaarutit piviusumut nutaamut ingerlaavartumik naleqqussarneqartariaqarsimallutik. Kommunit kattuussuunneqarnerisa imaluunniit sammisani assigiinngitsuni ilisimasat nutaat/pingaarnersiukkat allanngortinneqarnerisa kingunerisaannik pilersaarutit arlallit atorunnaarsinneqarsimapput.

2010-p ingerlanerani Kommuneqarfik Sermersuumut avatangiisit pillugit nutaamik pilersaarusiortoqassaaq.

Quppernerup imarisaa qanganitsersimava?

Quppernermut naqqiutissaqarpit?