Kommuneqarfiup illoqarfiini nunaqarfiinilu arlalinni nunaminertat annertuut annikitsullu uuliamik mingutsinneqartarput. Uuliamik mingutsitsinermut pissutaagajuttoq tassaasarpoq uuliamik kissarsuutit tankiinik ernartoorneq aamma/imaluunniit tankinut orsiinermi uuliakoorneq.

Kissarsuutit orsussaannut tankinit uuliakoorneq pillugu paasissutissanik amerlanerusunik uani pissarsisinnaavutit.

Uulia ikummatissaq avatangiisinik inuillu peqqissusaannik ajoqusiisinnaavoq. Illuutivit eqqaani uuliakoortoqarsimappat, soorlu ass. uuliamut tankinnit, najukkavit iluani pitsaanngitsumik silaannaqalersinnaavoq. Aamma sivikitsuinnarmik uuliap aalaliorneratigut sunnerneqarnikkut niaqorlulersinnaavutit, merianngulerlutit inuunilulerlutit il.il., sivisuumik sunnerneqarneq kræfteqalissutaasinnaavoq.

Uuliamut tankinnit uuliakoorneqaraluarpat ima iliornissat pingaaruteqarpoq:

  • uuliakoornermut pissutaasoq unitsissavat,
  • uuliakuugaq siaruatsaaliussavat aammalu
  • kommuni attaveqarfigalugu

Uuliakoortoqarsimatillugu avatangiisit inuillu ajoquseqqunagit nuna mingutsinneqarsimasoq katersorneqassaaq peerneqarlunilu, nunalu iluarsaateqqinneqassalluni.

Nunap uuliamik mingutsinneqarsimasup tunniutinnginnerani kommuni attavigineqaqqaassaaq. Sumut tunniunneqassanersoq oqaatigissavaat. Torersaaneq kommunimit akuerineqaqqaassaaq nunap iluarsaateqqinneqannginnerani. Illoqarfinni/nunaqarfinni attaveqarfissanut paasissutissat uani nassaarisinnaavatit.

Quppernerup imarisaa qanganitsersimava?

Quppernermut naqqiutissaqarpit?