Kommunimi illoqarfiit nunaqarfiillu eqqaanni annerusumik minnerusumilluunniit nuna mingutserneqartarsinnaavoq. Nunamik mingutsitsineq nunaminertami suliffeqarfinnit imaluunniit suliffeqarfiusimasunit, eqqaaveqarfikuusimasunit, uuliatankinit assigisaannillu pisinnaavoq.

Nuna mingutserneqarsimappat nunaminertap atorneqarsinnaaneranut sunniuteqartarpoq aamma illuvit iluani silaannarmut sunniuteqarsinnaalluni. Taamaattumik sanaartornissamik imaluunniit illumik pisinissannik eqqarsaateqassaguit taava nunap mingutserneqarsimasinnaanera misissoqqaarukku imminut iluaqusissaatit. Misissuisinnaavutit una atorlugu: NunaGIS ( www.nunagis.gl ).

NunaGIS digitalimik ujarliutaavoq, taanna atorlugu nunami illoqarfik nunaqarfillu sumerpiami inissisimanersut nanineqarsinnaalluni. Illoqarfik/nunaqarfik nanigukku iserfissaq ”Avatangiiseq” iserfigissavat tassanilu ”Hotspotsområder” takusinnaavat, taanna paasissutissanik katersiviuvoq suliat suut mingutsitsinermut pissutaasut pillugit. Taamaattorli nunaminertami tassani mingutsitsisoqarsimanera qularnaatsuunngilaq, taamatullu nunatat taaneqartut tamarmik mingutserneqarsimaneri. Assersuutigalugu illup uuliatankianit (<6000l) mingutsitsisoqarsimasinnaanera paasissutissaasivimmi ilaanngilaq. Mingutsitsinerilli taamatut ittut nalinginnaasuupput.

Illuvit uuliatankiata nunamik mingutsitsusuunnginnera qulakkeerniarukku pisussaavutit akulikitsumik misissuisarnissat, tanki ruujorillu putoqannginnissaat aamma ulikkaartoornermut kalerrisaarutip pisissusissamisoornera ilanngullugit. Qanoq iliornissannik ilitsersuut ataani iserfigineqarsinnaasuni marlunni takusinnaavoq.

Uuliatankimik piginnittunut ilitsersuut
Quppersagaq naatsumik ilisimatitsisoq

Quppernerup imarisaa qanganitsersimava?

Quppernermut naqqiutissaqarpit?