Eqqagassanik eqqaanermi pineqarput illumit eqqagassat, nammineq atugassatut piniakkanit eqqagassat imaluunniit suliffeqarfinnit, tassunga ilanngullugit sullissivinnit, kantiinanit, neriniartarfinnit allanillu, eqqagassat. Eqqagassat tassaasinnaapput nerisassat sinnikui, illumit poortuutissakut, sanikut, arsakut nilloreersut, igaffimmit eqqagassat, nangit pappiaraqqat assigisaallu.

Sukumiinerusunik paasissutissanik perusukkuit, Kommuneqarfik Sermersuumi eqqagassanik katersuinermut malittarisassat takusinnaavatit.

Ivittuut aamma Kangilinnguit: Eqqagassalerineq matumani allaaserineqanngilaq Grønlands Kommandop protokolliisigut malittarisassiuunneqarsimammat.

Ilanngunneqarnissamik nalunaaruteqarneq

Eqqaavinnut anartarfinnullu ilanngutsinniaraanni NEM-ID atorlugu Sullissivik.gl iserfigalugu nalunaartoqarsinnaavoq imaluunniit Innuttaasunut Sullissivimmut nammineerluni saaffiginninnikkut.

Uku malugeqquneqarput:

  • akunnerata ingerlanerani nal. 07.00 – 18.00 akornani aalajangersimasumik aallertoqartarpoq
  • Nalunaaqutaq 07.00 nallertinnagu eqqaavissi nalaata aqqutaa aputaajarsimassavat aamma siorarterillutit eqqaavilerisut ajornanngitsumik eqqaaviit tigoriaannaaniassammassuk.
  • Eqqaavik igitassaq annerpaamik 25kg oqimaassuseqassaaq.
  • Ulloq taanna eqqaavik imaartissimanngippat aqaguani Sanarfinermut Avatangiisinut Ingerlatsivimmut saaffiginnissutigissavat oqarasuaat 36 7411 imal. E-mail affald@sermersooq.gl
  • Qimmiiteqaruit qimmeq pitussimassaaq.

Eqqaavinnut anartarfinnullu atorunnaarsitsineq NEM-ID atorlugu Sullissivik.gl iserfigalugu nalunaartoqarsinnaavoq imaluunniit Innuttaasunut Sullissivimmut nammineerluni saaffiginninnikkut .

Uku malugeqquneqarput:

  • Eqqaamallugu eqqaavinnut anartarfinnut atorunnaarsitsisoqarsinnaavoq aatsaat illit allakkatigut nalunaarutigigukku, taamaanngippat akiligassat ingerlaannassapput.
  • Nuussimaguit nuunnermut immersuillutit eqqaavinnut anartarfinnulluunniit atorunnaarsitsinermik kinguneqarneq ajorpoq.
  • Eqqaavinnut anartarfinnullu ilannguteqqaneq atorunnaarneq ajorpoq nuunnermut immersugassaq tunniunnerani aatsaalli eqqaavinnut anartarfinnullu immersugassaq tunniussimappat atorunnaarsinneqarsinnaalluni.

Quppernerup imarisaa qanganitsersimava?

Quppernermut naqqiutissaqarpit?