Kommuneqarfik Sermersooq ukiuni aggersuni eqqagassalerinerup tungaatigut annertuunik unammilligassaqarpoq. Kommunip eqqagassaleriviisa naammassisaqarsinnaassusaat qulakkeerneqassaaq eqqagassalerinermilu assigiissaarineq kommunimi tamarmi pitsanngorsaavigineqassalluni. Sulinerup annersaa kommunip illoqarfiini mikinerusuni nunaqarfiinilu pisussaavoq. Kommuneqarfik Sermersuumi eqqagassalerineq pitsaanerusoq nammaqatigiinnerusorlu kommunip ingerlaavartumik sulissutigaa.

Kommunimi eqqagassat assigiinngitsorpassuupput. Eqqagassat ilaannut tunngatillugu aaqqissuussaqarpoq kommuni innuttaasut angerlarsimaffiinut eqqakkanik aallertarlutik, eqqagassanulli allanut atuuppoq eqqakkanik tigooraavimmut eqqortumut tunniussiartornissaat.

Eqqagassat assigiinngitsut suliarineqartarput assigiinngitsutigullu piiarneqartarlutik, taamaammat aamma pingaaruteqarpoq eqqakkat ilaat immikkoortitigaallutik tigooraavinnut tunniunneqartarnissaat.

Eqqagassanik piiaanermut piumasaqaatinut paasissutissat sukumiinerusut Kommuneqarfik Sermersuup eqqagassalerinermut malittarisassaani nassaarisinnaavatit. Malittarisassanittaaq paasissutissat inuussutissarsiuteqartut eqqagassaataannut tunngasut nassaarineqarsinnaapput.

Eqqagassalerineq pillugu apeqqutissannut nittartakkami uani akissutissarsisinnaanngikkuit (eqqagassat immikkoortigaaneri saamiatungaani allaqqasut takukkit) illoqarfigisanni/nunaqarfigissani eqqagassalerinermut akisussaasuusoq attaveqarfigisinnaavat. Aammattaaq illoqarfigisanni/nunaqarfigisanni eqqagassanik tigooraaviit pillugit paasissutissanik pissarsisinnaavutit kiisalu taakku ammasarfii pissarsiaralugit.

Quppernerup imarisaa qanganitsersimava?

Quppernermut naqqiutissaqarpit?