Kommunimi ulluinnarni avatangiisinut tunngasunik amerlasoorpassuarnik suliaqartoqarpoq. Suliassaqarfiit annertuut ilagaat eqqagassalerineq, imikoq, CO2/sila/nukissiuutit, mingutsitsinerit avatangiisillu pillugit ilisimatitsisarnerit. Avatangiisilerinitsinni avammut ilummullu suliaqarpugut. Avammut, tassani suliffeqarfiit innuttaasullu avatangiisit eqqarsaatigalugit eqqortumik pissusilersortarnissaannut piumasaqaateqartarpugut aammalu oqartussaasut innuttaasullu saaffiginnissutaannik suliarinnittarluta. Ilummut, tassani kommunip nammineq avatangiisinik sunniisarnerata annikillisinneqarnissaa sammivarput. Avatangiisilerinermut killiliussat Kommuneqarfik Sermersuumut Sanarfinermut Avatangiisinullu politikimi nassuiarneqarput.

Quppernerup matumap saamia tungaani kommunimi avatangiisilerineq, suliassaqarfiusumi inatsisit atuuttut malittarisassallu, eqqagassalerineq avatangiisillu pillugit nalunaarusiat pillugit paasissutissat takusinnaavatit. Aamma illit innuttaasutut ulluinnarni inuuninni avatangiisinut tunngatillugu qanoq iliorsinnaanitit pillugit siunnersuutit tassani takusinnaavatit.

Nittartakkami matumani avatangiisit eqqagassallu pillugit paasissutissat suliarineqarput.

Avatangiisinut tunngasunik siunnersuutissaqaruit naammagittaalliuutissaqaruilluunniit uunga saaffiginninnissannut tikilluaqqusaavutit:
sai@sermersooq.gl.

Tassanngaannartumik mingutsitsisoqartillugu nalunaaruteqarneq

Kommunip ammasarfiisa avataatigut ass. uuliamik imaluunniit akuutissanik arrortinneqarsinnaanngitsunik kemikaalianik tassanngaannartumik mingutsitsisoqartillugu, Pinngortitamut Piujuartitsinermullu Immikkoortortaq attavigineqarsinnaavoq, uunga sianerluni: 56 46 69.

Malittarisassiat akinullu allattorsimaffiit

Pinngortitamut, avatangiisimut eqqagalerinermullu tunngasuni kommune najukkani malittarisassaliornissaminut periarfissaqarpoq. Kommune aamma periarfissaqarpoq eqqakkanut tunngasunik innuttaasunik suliffeqarfinnillu sullissinermut akinik aalajangersaasinnaanerminut. Uani quppernermi malittarisassat, ileqqoreqqusat aamma akinut allattorsimaffik, kommunimit akuerisat, takuneqarsinnaapput.

Eqqakkanut malittarisassat

Malittarisassat ileqqoreqqusallu allat

Akit allattorsimaffiat

Quppernerup imarisaa qanganitsersimava?

Quppernermut naqqiutissaqarpit?