Fonde.dk atorlugu aningaasaliisussarsiornernik suliniuteqarnersi tulluarsarlugu pitsanngorsarsiuk


FONDE.DK

Kommuneqarfik Sermersooq Fonde.dk-imut Danmarkimi nittartakkakkut aningaasaliisussarsiortarfiit annersaannut ilaasortaanermik pisivoq. Nittartagaq sammisat assigiinngitsut soorlu kulturimi, pinngortitami, sunngiffimmi, aallartisaanermi, utoqqarnut, meeqqanut, illussanik titartaanermi allarpassuillu iluanni aningaasaliisussarsiornermi suliniuteqarnermi tulluarsaanernik pitsanngorsaanissamillu atortussanik assigiinngitsunik imaqarpoq.


PEQATIGIIFFINNIIT ISERFIGINEQARSINNAASOQ

Fonde.dk-mik isumaqatigiissuteqarnerup malitsigaa Kommuneqarfik Sermersuumi peqatigiiffiit tamarmik, ingerlatsiviit, paaqqinniffiillu akeqanngitsumik pingasunik ilaasortaliorsinnaanerminnik periarfissaqalernerat. Massakkuugallartumut ukioq ataatsimut ilaasortaanermik pisisoqarpoq. Peqatigiiffitta kommunimi suliniutinut amerlasuunut aningaasaliisussarsiornissaminnut periarfissaqarluarnissaat siunertaraarput.


IKIORSIIVIK PIUMASAQAATILLU

Teknikkikkut ikiorsiivik, ilaasortaanermullu tunngasunut apeqqutit toqqaanartumik Fonde.dk-imut apeqqutigineqassapput. Saaffiginninnissamut paasissutissat nittartagaanni nassaarineqarsinnaapput, linkimi ataaniittoq toorlugu iserfigineqarsinnaasumi.

Fonde.dk

Fonde.dk-ip atornissaanut piumasaqaatittaaq nittartagaanni allaqqapput. Kommuneqarfik Sermersuup isissutissap atorneqarsinnaanera periarfissaatippaa kiffartuussinermulli atuinermi akisussaaffiit akisussaaffiginngilai.

• Fonde.dk-ip atorneranut piumasaqaatit: fonde.dk/bottom-menu/ fondedkbetingelser


ISISSUTISSAMIK PISSARSINEQ

Fonde.dk-imut isissutissarsiniaraanni ataani immersugassaq immersussavat, kingorna Fonde.dk-ip ullut 1-2 ingerlaneranni isissutissamut paasissutissaataannik nassissavaatit. Isissutissatut tunniunneqartoq (isissutissaq isissutissamullu kode) inummut ataasiakkaamut suliaavoq akisussaassuseqartumik isumannaatsumillu toqqorsimaneqassaaq inunnuttaaq allanut ingerlateqqeqqusaanngitsoq.

Aningaasaliisussarsiorluarisi.

• Fonde.dk attavigiguk: fonde.dk/top-menu/kontakt


FONDE.DK-IMUT ILAASORTANNGORNISSAMUT ALLATSIFFISSAQ

Paasissutissat ilinnut tunngasut Fonde.dk-imut nassiunneqassapput


Quppernerup imarisaa qanganitsersimava?

Quppernermut naqqiutissaqarpit?