Peqqinneq Pitsaaliuineq atuarfinni 2014-2015

Pitsaaliuinermi sulineq meeqqat atuarfianni meeqqanik nuannaartunik pilersitseqataasarpoq, namminneq ulluinnarni ajornartorsiornermi pisut pimoorullugit akiorsinnaanngortarlugit. Meeqqat namminneq ajunngitsunik aalajangiisinnaanngorunik, aaqqiagiinnginnernik uippakajaarnermillu aqutsisinnaanngorlutik, taava tamanna meeqqamut ineriartortitseqataasarpoq. Meeqqap inuunermi ingerlanerani ajornartorsiutaasinnaasut aqussinnaanngortarpai, tamassumalu nassatarissallugu inuttut inuiaqatigiinnilu ajornartorsiutit minnerusussanngorneri.

Meeqqat atuarfiini ilinniartitsisut, peqqinneq, pitsaaliuineq kiisalu pinerluttuliortarnermut pinaveersaarinermik suliaqarneq pillugu suliniutit ilinniartitsinerminni pilersaarutiminnut ilanngutissallugit suut periarfissarineraat atuagaaqqami “Peqqinneq pitsaaliuinerlu atuarfimmi“, atuarsinnaavat.

Pilersaarusiat pingasut aalajangersimasumik meeqqat atuarfiini atuartunut ingerlanneqarput agguarneqarlutik klassimi atuartunut tamanut.

Pilersaarusiat assigiinngitsut pillugit uani paasisaqarfiginerusinnaavat:

Kammagiitta

Sammisap Kammagiitta Kalaallit Nunaanni meeqqat akornanni pimmatiginninneq minnerulersittussaavaat. Kammagiitta – Alloriarneq 1-imi atortuulersinneqassaaq. Pimmatiginninnerup taakkulu kingunerisartagaasa ilungersuullugit nakkutiginerini, anguniagaavoq atugarissaarnerunissaq toqqissisimanerunissarlu.

Kammagiitta – pillugu paasisaqarnerulerit

TATITUSSUSEQ

Tatitussuseq pillugu sammisap meeqqat inuusuttullu tatitussusaanik inuunermilu sapiissusermik pitsanngorsaassaaq taamalu ulluinnarni atukkani unamminartut annertuut mikisullu saperunnaarnissaannut ikiuutaalluni – pingaartumik inuuneq ajornartorsiorfiugaangat.

Sammisap ilagai nutaamik pilersitsinermut perorsaanermullu tunngasunik suliniutit, meeqqat inuusuttullu atugarissaarnerannik, inuttut naleqassusaannik kiisalu tatitussusaannik pitsaanerulernermik siunertaqartut.

Tatitussutsip siunertaraa, atuarfiit tamassuma sammisap alloriarneq 2-mut ilanngunnissaa kiisalu tamanna atorneqarluni pinaveersaartitsinermi sulinermut.

Tatitussuseq – pillugu paasisaqarnerulerit

Tatitussuseq pillugu najoqqutaasoq aajuk

IMMINUT

IMMINUT pillugu sammisaq pinngortinneqarsimavoq imminortarneq pinaveersaartinniarlugu. Suliniutit inuusuttut artornartunik nalaataqarnerminni piginnaasaannik ineriartortitsisussaavoq – soorlu imminornissamut eqqarsaatit takkutissagaluarpata. Soorlu ilinniassagaat imminut suliarineq ikiornerlu, aamma saniatigut ilinniassavaat allanik imminornissamut aarlerinarsinnaasunik sissuerneq ikiuinerlu.

IMMINUT alloriarneq 3-mi atortuulersinneqassaaq najoqqutassamullu Qanilaarnermut malittaalluni, tamanna erniinnaq saqqummissaaq nutartikkatut oqaasertaligaalluni.