Illuutileqatigiit Iserit
Iserit A/S inissiaatinik ingerlatsiviuvoq kommunimit 100%-imik pigineqartoq, Kommuneqarfik Sermersooq sinnerlugu inissianik sulianillu inissianut tunngassuteqartunut ingerlatsiviusoq. Suliffeqarfik kommunip Paamiuni, Nuummi, Tasiilami Ittoqqortoormiinilu inissiaataanik ingerlatsivoq.
Tamakkua saniatigut suliffeqarfik Kommuneqarfik Sermersuumut kiffartuussinernik arlaqartunik, ilaatigut soorlu makuusunik, ingerlatsivoq:
- Kommunip inissiaataanik attartortitakkanik annikinnerusumik nutarterinerit
- Inissianik nutaanik sanaartornermik sanaartornerni allaffisornikkut ingerlatsineq
- Kommunemi sulisunut utaqqiisaasumik inigisanik ingerlatsineq
- Inissianik pisineq tunisinerlu
- Inuutissarsiornermut atatillugu attartornerik ingerlatsineq
- Il. il.
Kommuneqarfik Sermersuup aamma Iserit A/S-p siunertaraat suleqatigiinneq suliassatigut kommunemi innuttaasunut iluaqutaasussatigut annertusarneqassasoq.
Apequtissaqaruit, ass. Inissiap attartukkavit pisiarinissaa soqutigigukku imaluunniit Kommuneqarfik Sermersuumi atorfinitsinneqarsimaguit, suliffinnullu atatillugu inissiamik innersuunneqartussanngorlutit, taava uunga sianersinnaavutit 36 30 00. Iserit A/S nammineq nittartagaqarpoq (iserit.gl)