Quppernermi uani Sermersuumi Nipilersornermik Ilinniarfik, meeqqanut inuusuttunullu 18-it inorlugit ukiulinnut atuartitsissutitut neqeroorutaat uani atuarsinnaavatit. Malugiuk, Nipilersornermik Ilinniarfik immikkoortortaqarmat Nuummi, Kulusumi, Tasiilami Paamiunilu.
Sermersuumi nipilersornermik ilinniarfik Kommuneqarfik Sermersuumi meeqqat inuusuttut 18-it tikillugit ukiullit kiisalu inersimasunut sunngiffimmi neqeroorutaavoq. Tamatuma saniatigut erinarsoqatigiit Ingiulik aamma JuniorOrkester periarfissaapput.
Nipilersornermik ilinniarfiup pingaartippaa meeqqat inuusuttullu tamarmik tikilluaqqusaassasut, taamaattumik siammasinnerusumik atuartitsinerit aamma ingerlattarpai. Atuarfeqarfinnik meeqqeriveqarfinnillu iluatsilluartumik suleqateqarnerit aamma ingerlanneqarput, taakkulu ukiumi atuarfiusumi katillugit qaammatini arfinilinni atuartitsisoqartarpoq.
Nipilersornermik ilinniarfiup neqeroorutigaa, erinarsoqatigiinni, nipilersuusiornermi, nipilersoqatigiinnermi nipilersuutinillu assigiinngitsunik atuinissamut soorlu saxofon, kitaari, cello, ukulele qarlortaat tumerparpaallu atornissaanut ilinniartitsineq. Immikkut ataasiakkaanik aamma ataatsimoortunik ilinniartitsineq ingerlattarpagut. Nipilersornermik ilinniarfik aamma nipilersoqatigiinnik orkesterinillu peqarpoq, nipilersuullu ilinniareerukku taakkununnga peqataalersinnaavutit.
Kikkulluunniit Nipilersornermik Ilinniarfimmut qaqugukkulluunniit qinnuteqarsinnaapput. Kommuneqarfik Sermersooq Nipilersornermik ilinniarfimmi akeqanngitsumik peqataasinnaanissat aalajangiussimavaa, taamaalilluni ilinniartitsineq akeerutitinneqarluni. (Malugalugu, ilinniartitsisutit ilaat peqataaffigineqarusunnerat annertummat, soorlu pattannermi ilinniarneq, taamaattumik utaqqisuuteqarsinnaasarpugut).
Ukiup ingerlanerani sapaatip akunneri 39-t ilinniartitsiviusarput, taakkunanilu Nipilersornermik Ilinniarfiup tusarnaartitsinerit, ataatsimut suliaqarluni musikvideoliornerit, workshoppit allallu kulturikkut aaqqissuussat peqataaffigisinnaasatit ingerlattarpai. Nipilersornermik ilinniarfiup atuartut atuanngiffeqarnissaannut pilersaarut naapertorlugu ingerlavoq. Nipilersornermik Ilinniarfiup Kommuneqarfik Sermersooq tamaat ingerlatsiffiginiarpaa, taamaattumillu Kulusummi Tasiilami Paamiunilu immikkoortortanik pilersitsisoqarpoq, meeqqat inuusuttullu Nipilersornermik Ilinniarfimmut ilinniarumallutik allatsissinnaanngorlugit.
Paasisaqarnerorusukkuit allatsinniaruillu una tooruk.
Nipilersornermik Ilinniarfik pillugu paasisaqarnerorusukkuit alakkaasinnaavutit, sianersinnaavutit allassinnaallutillu.