Nipilersornermik ilinniarfik

Nuummi Nipilersornermik Ilinniarfimmut tikilluaritsi!

Musikskolen

Nuummi Nipilersornermik Ilinniarfik, inuusuttunut tamanut 21-t angullugit ukiulinnut sunngiffimmi neqeroorutaavoq Kommuneqarfik Sermersuumut atasoq .

Nipilersornermik Ilinniarfimmi ilinniartitsissutigineqartarput erinarsorneq, erinarsoqatigiit, nipilersoqatigiinneq saxofon, guitar, qarlortaat, tumerparpaat aamma agiaq atorlugit. Ilinniartitsineq ataatsimut ataasiakkaarluniluunniit ingerlanneqartarpoq. Apeqqutaalluni sorlermut nalunaarsimanerit.

Nipilersornermik Ilinniarfik aamma nipilersortartoqatigiinnik orkesterimillu peqarpoq, nipilersuullu ilinniareerukku taakkununnga peqataalersinnaavutit. Nipilersornermik Ilinniarfik aamma arlariinnik erinarsoqatigiinnik peqarpoq ilannguffigineqarsinnaasunik.

Kikkulluunniit Nipilersornermik Ilinniarfimmut qinnuteqarsinnaapput qaqugukkulluunniit. Kommunip Nipilersornermik ilinniarfimmiinneq akeqanngitsunngortissimavaa, ilinniarneq akeqanngitsunngorlugu.

Ukiup ingerlanerani sapaatip akunneri 36-t ilinniartitsiviusarput, taakkunanilu Nipilersornermik Ilinniarfiup tusarnaartitsinerit, workshoppit allallu kulturikkut aaqqissuussat peqataaffigisinnaasatit ingerlattarpai.

Nipilersornermik Ilinniarfiup Kommuneqarfik Sermersooq tamaat ingerlatsiffiginiarpaa, taamaattumillu Kulusummi Tasiilamilu immikkoortortanik pilersitsisoqarpoq, meeqqat inuusuttullu Nipilersornermik Ilinniarfimmut ilinniarumallutik allatsissinnaanngorlugit.

Paasisaqarnerorusukkuit allatsinniaruillu una tooruk.

Nipilersornermik Ilinniarfik pillugu paasisaqarnerorusukkuit alakkaasinnaavutit, sianersinnaavutit allassinnaallutillu.

Allaffik uani inissisimavoq:

Nuummi Nipilersornermik Ilinniarfik
Hans Egedesvej 7
Box 1005,
3900 Nuuk
Tlf: 36 62 90 /22 45 30 mail: keho@sermersooq.gl