18-it inorlugit ukioqaruit ikiorneqarnissamillu pisariaqartitsillutit, taava:

  • meeqqat oqarasuaataannut 134-imut sianersinnaavutit
  • kommunimi ornittakkamukarlutilluunniit inuusuttut ornittagaannukarsinnaavutit
  • kommunerisanni inunnik isumaginnittoqarfiup pigaartuinut sianersinnaavutit imaluunniit politiit aqqutigalugit inunnik isumaginnittoqarfiup pigaartuinut attaveqarlutit
  • kommunimut attaveqalernissannut ikiortigisinnaasannik ilinniartitsisumik inersimasumilluunniit allamik tatigisannik oqaloqateqassaatit

Atugarliuuteqarsimaguit sukkulluunniit kommune attaveqarfigisinnaavat. Kommunip ikiussavaatit qanorlu pisut ingerlaqqinnissaat isumagissallugu. Kommunip assersuutigalugu:
  • inunnut siunnersorteqalernissat isumagissavaa
  • aningaasaqarnikkut ikiorsiissutinik pisartagaqartitsissaaq
  • angajoqqaavit ikiorneqarnissaat isumagissavaa

Kommunip attaviginissaa pingaaruteqarpoq, illit:
  • angerlarsimaffissinni isatsissimaguit imaluunniit allatut annersarneqarsimaguit
  • angerlarsimaffissinni sumiiffinniluunniit allani kinguaassiutitigut atornerlugaasimaguit
  • nerisinneqarneq ajoruit
  • angerlarnissannut ersiguit
  • sumiiffissaqanngikkuit
  • sioorasaarneqaruit

Malugiuk
Kommunimut saaffiginnikkuit, kinaanerit isertuunneqassaaq. Tamanna isumaqarpoq, kikkulluunniit kommunimut saaffiginnissimanerit paasissanngikkaat. Taamaakkaluartoq angajoqqaatit ilisimatinneqassapput.

Kommune arlaannik iliuuseqarnavianngilaq, illit apereqqaartinnak.

Meeqqanut Ilaqutariinnullu Immikkoortortami sulisut ulluinnarni nal. 08:00-imiit 16:00-ip tungaanut oqarasuaatikkut 36 72 81-ikkut imaluunniit oqarasuaatikkut angallattakkakkut 55 57 31-ikkut attaveqarfigisinnaavatit.

Isumaginninnermi siunnersortit ulluinnarni oqarasuaatikkut ugguuna nal. 13:00-ip aamma 14:00-ip akornanni attaveqarfigineqarsinnaapput: 36 70 00.

Meeraq inuusuttuararluunniit suli 18-iliinngitsoq ernummatigaajuk imaluunniit inuusuttuuguit ajornartorsiorlutit taava Isumaginninnikkut Pigaartoq attavigisinnaavat.

Nuuk: 55 57 31 – Kommunip ammasarfiisa avataatigut ulluinnarni nal. 16.00 aamma 08.00 akornanni. Sapaatip akunnerata naanerani kiisalu nalliuttuni Isumagininnikkut Pigaartoq ulloq unnuarlu attavigineqarsinnaavoq.
Paamiut: 53 22 98
Tasiilaq: 59 82 20
Ittoqqortoormiit: 59 91 01
Qeqertarsuatsiat: 48 28 22