Ivaaq naartusunut aamma ilaqutariinnut 0-2-nik ukiulinnik mikisunik meeralinnut ilungersuuteqartunut tapersersuisarpoq. Ilaqutariit angajoqqaatut pisussaaffimminnik tapersersorneqalaarnissamik pisariaqartitsisut tapersersorneqartarput. Ivaap angajoqqaat naartusullu angajoqqaatut pisussaaffimminnik isumaginninnissaannut ilaqutariinnut siunnersuinikkut, ataasiakkaanik oqaloqatiginninnikkut, aappariinnik oqaloqatiginninnikkut, naalungiarsunnik katsorsaariaatsip atorneratigut, ilinniartitsinikkut gruppikkuutaartunik oqaloqatiginninnikkut piareersartarpai. Ivaamit aamma angerlarsimaffinnut ornigulluni ilinniartitsisarneq neqeroorutigineqartarpoq.

Ivaami, ataatsimiittarfiit gruppinullu init saniatigut, aamma katsorsaaveqarpoq inimik sandplay-italimmik, tassa katsorsaalluni atorneqartartoq.

Ivaaq najugaqarfittut neqeroorutaanngilaq, taamaattumillu ilaqutariinnik najugaqartoqanngilaq.

Qanoq ilillunga Ivaamit tapersersortittalersinnaavunga?

Peqqinnissaqarfimmit innersuunneqarnikkut.

Ivaami ilaqutariinnut mikisunik meeralinnut aamma naartusunut suliniutinut innersuunneqarnissamut tunngatillugu Dronning Ingridip Napparsimmavissuani juumooq imaluunniit peqqissaasoq oqaloqatigiinnikkut Siusissukkut Iliuuseqartarnermut ilanngunneqarsinnaanerlutit naliliissaaq. Tamatigut illit akuersiteqqaarlutit innersuussisoqartarpoq.

Naartusutut imaluunniit mikisumik meeralittut neqeroorummik akuersissaguit, juumuup imaluunniit peqqissaasup Ivaamut aamma Meeqqanut Ilaqutariinnullu Ingerlatsiviup nalunaaruteqarnermi allakkanut nakkartitsivianut innersuussissummik nassiussissaaq. Tamatuma kingorna illit ilaquttatillu oqaloqatigineqarnissamut aggersarneqassaasi, tassanilu Ivaami sulisut tapersersorneqarnissat pitsaanerpaamik aaqqissuunniarlugu isumaqatigiissusiornissaq pillugu oqaloqatigissavaatsit.

Meeqqanut Ilaqutariinnullu Ingerlatsivik aqqutigalugu innersuunneqarneq

Ivaamut neqeroorutigineqartunullu tulluarnerlutit nalilertinniarlugu aamma sullissisut attavigisinnaavat. Sullissisoqanngikkuit Meeqqanut Ilaqutariinnut Ingerlatsivimmut oqa. 36 70 00-imut attaveqassaatit.

Quppernerup imarisaa qanganitsersimava?

Quppernermut naqqiutissaqarpit?