Meeqqap inuusuttuaqqalluunniit inuuneranut ernumassuteqaruit, taava kommunimut nalunaaruteqassaatit Tamanna sianernikkut, mailikkut, imaluunniit ornigullutit iliuuseqarfigisinnaavat. Ajortoqarnera pasitsaakkukku, pingaarnerpaajuvoq sukkasuumik iliuuseqarnissaq

Assersuutigalugu imaattoqarsinnaavoq:

  • Meeraq inuusuttuararluunniit annersarneqartoq
  • Meeraq inuusuttuararluunniit kinguaassiutikkut kannguttaatsuliorfigineqartoq
  • Meeraq inuusuttuararluunniit kisimiitinneqartoq, aamma inersimasumit tapersersorneqanngippallaartoq
  • Meeraq inuusuttuararluunniit inuunerlutsinneqartoq
  • Meeraq inuusuttuararluunniit sakkortuumik qinngasaarneqartoq, meeqqanit inuusuttuaqqanilluunniit allanit nakuuserfigineqartoq

Meeqqamik inuusuttuaqqamilluunniit 18-it  inorlugit ukiulimmik nalunngisaqaruit, aammalu isumaqaruit ilisimasaqarlutilluunniit meeqqap peqqinneranut ineriartorneranulluunniit ulorianartorsiortitsisumik inuuneqartumik, taava pisussaaffeqarputit kommune nalunaarfigissallugu

Nalunaaruteqannginninni meeqqat ilaqutariillu immikkoortortaqarfianut siunnersorneqarnissannik ilitsersorneqarnissannillu attaveqarnissannut tikilluaqqusaavutit. Kommuneqarfik Sermersuumi Meeqqanut ilaqutariinnullu immikkoortortaqarfimmut ulluinnarni saaffiginnissinnaavutit nal 08:00 aamma 16:00 akornanni, oq. nr. 36 72 81.

Nuummi inunnut isumaginninnermi siunnersortit ulluinnarni oqarasuaatikkut saaffigineqarsinnaapput nal 13:00 aamma 14:00 akornanni, oqarasuaat +299 36 70 00 atorlugu.

Meeqqat inuusuttuaqqallu pillugit ernumassuteqaruit nalunaaruteqarniarlutillu isumaginninnermi pigaartoq ulloq unnuarlu attavigineqarsinnaavoq,

Nuuk: +299 55 57 31 ulloq unnuarlu
Paamiut: +299 53 22 98 ulloq unnuarlu
Tasiilaq: +299 59 82 20 ulloq unnuarlu
Ittoqqortoormiit: +299 59 91 01 ulloq unnuarlu
Qeqertarsuatsiaat: +299 48 28 22 ulloq unnuarlu

E-mail-ikkut nalunaaruteqarniaruit una atorlugu allassinnaavutit meeqqavut@sermersooq.gl

Nalunaarutit kinaassuseq paasitinngikkaluarlugu nassiunneqarsinnaapput Oqaatigissavarpulli, nalunaarummik tigusaqarnitsinni nalunaaruteqartup suliami erseqqissumik tamaasa ilisimatitsissutigalugit tunniussaqarpat, namminerlu ernumassutigisani aamma ilanngullugit, taava nalunaarut tiguneranit sukkanerusumik oqinnerusumillu suliaq aallartissinnaavarput, kisianni taamaaliortoqarsinnaanngippat, assersuutigalugu inuttut nammineq, imaluunniit ilaquttat pissutigalugit, taava kissaatigineroqaarput kinaassutsimik tunniussaqanngikkaluarluni nalunaaruteqarnissaq nipangersimaannarnermiit perusunnerugipput.

Sunaluunniit nalunaarutiginiaraanni eqqarsarluaqqaarluni pisariaqarpoq, pisunili meeqqap inuuneranik, ingerlaneranik, siunissaanillu tunngassuteqartumik, taava qularsimagaluarneq meeqqap inuuneranut pitsaasumik sunniuteqarumaarpoq.

Quppernerup imarisaa qanganitsersimava?

Quppernermut naqqiutissaqarpit?