Meeqqap sullissisuata meeqqap inissinneqarnerata nalaani, suliaq meeqqamut tunngasoq suliarisarpaa. Sullissisup suliassai ilaatigut makkuupput:

  • Iliuusissatut pilersaarusiamik suliaqarneq, meeqqap inissinneqarnerata nalaani meeqqap qanoq pineqarnissaanut najoqqutarineqartussaq. Pilersaarut meeqqap annivittut angajoqqaavi peqatigalugit suliarineqassaaq.
  • Meeqqap inissinneqarnera sioqqullugu angajoqqaarsiaasussanut meeraq pillugu paasissutissanik ingerlatseqqinneq.
  • Meeqqap annivittut angajoqqaavisa meeqqamut attaveqateqartarnerat pillugu angajoqqaarsiat suleqatigalugit isumaqatigiissusiorneq
  • Angajoqqaarsianut iliuusissatut pilersaarummik suliaqarneq. Pilersaarummi allassimassaaq inissiinerup siunertaa, angajoqqaarsiat suliassaat, angajoqqaatut oqartussaatitaasut aamma immaqa angajoqqaaq alla meeqqamik attaveqatigiittarnissamik pisinnaatitaasoq suleqatiginissaat, nakkutilliinissaq, immikkut siunnersuinissaq, inuttut siunnersuinissaq il.il. Meerarsiamik tigumminissamut isumaqatigiissummut atatillugu angajoqqaarsiat iliuusissatut pilersaarutip assinganik tunineqassapput.
  • Meeqqap atuarfianut, ulluunerani paaqqinnittarfik, inissiaatileqatigiiffik, inuit nalunaarsorsimaffiat najugaqarfiup allanngornera peqqutigalugu naluaaruteqarnerit.
  • Meeqqap angerlarsimaffik qimallugu qanoq sivisutigisumik inissinneqarnissaanut aalajangiineq.
  • Angerlarsimaffiup avataanut inissinneqarnerup naliliiffigineqarnera.

    Quppernerup imarisaa qanganitsersimava?

    Quppernermut naqqiutissaqarpit?