• Meeqqap angerlarsimaffiup avataani inissinneqarnera sioqqullugu, meeqqap sullissisuata angajoqqaarsialerisut attavigisarpai, taakkulu meeqqap pisariaqartitaanut sapinngisamik tulluartunik angajoqqaarsiassanik ujaasisarput.

  • Sulissutigineqartarpoq, meeqqap inissinneqarnera sioqqullugu angajoqqaarsiassaminut pulaarnissaa aamma/imaluunniit taakkunani sapaatip-akunnerata naanersiornissaa.

    Meeqqamik inissiinermut atatillugu pingaaruteqarpoq meeqqap qitiutinnissaa iliuusissatut pilersaarummik suliaqarnikkut aamma angajoqqaarsiat paarsinissamut isumaqatigiissusiornerisigut, tassani paarsinermi aningaasarsiat isumaqatigiissutillu ersarissarneqarlutik. Iliuusissatut pilersaarusiaq aamma isumaqatigiissut meeqqap sullissisuanit aamma meeqqap ilaqutaanit suleqatigiinnikkut suliarineqartarpoq.

  • Inissiinermi meeqqap sullissisua atuarfimmut, paaqqinniffimmut, sunngiffimmi aaqqissuussinernut imaluunniit inissiaatileqatigiiffimmut paasissutissiissaaq.

  • Inissiinermi meeraq aamma angajoqqaarsiat imminnut ilinniassapput. Taamaattumik pingaaruteqarpoq inissiinerup kingorna sapaatip-akunnerini siullerni 2-3 meeqqap eqqissisimaartinneqarnissaa, avatangiisit nutaat sungiussinnaaqqullugit. Meeqqap pitsaasumik ajortumilluunniit qisuariaatai nalinginnaasumik qaammat ataaseq qaammatilluunniit marluk qaangiukkaangata ersertarput, ilaannili qaammatit arfinillit aatsaat qaangiukkaangata takkuttarput.

  • Angajoqqaarsiat maluginiassavaat namminneq meeqqamik meerarsiallu akornanni sinngasoqarsinnaanera, taamaattumik meeqqat arlaannaalluunniit immikkoortinneqassanngillat.

  • Pingaaruteqarpoq angajoqqaarsiat aallaavittut erseqqissaatigippassuk: meeqqamik paarsigallarlutik aamma ikiorsiinerit aallartinneqartussaasut ungasinnerusumi meeqqap annivittut angajoqqaaminut uteqqinnissaa anguniarlugu.

  • Aammattaaq pingaaruteqarpoq meeqqap meerarsiaagallarneranik meeqqamut siusissukkut ilisimatitsinissaq, aamma meeqqap annivittut angajoqqaaminiinnissaanut angajoqqaarsiat tapersersuinissaat.

  • Naapertuutinngilaq meeqqap angajoqqaarsiani anaanamik aamma ataatamik taagorpagit, taamaaliornikkut annivittut angajoqqaat pisariaqanngitsumik annersinneqarsinnaammata.

Quppernerup imarisaa qanganitsersimava?

Quppernermut naqqiutissaqarpit?