Ilaqutariittut angajoqqaarsianngussalluni aalajangernermi suliassamik angisuumik tigusineruvoq, meeqqamullu ilissi angerlarsimaffissinnut isertitassinnut allannguinerulluni annertooq, suliassaallunilu imaannaanngitsoq, taamaattumik pingaaruteqarpoq ilissi ilaqutariittut eqqarsaatigilluassallugu meerarsiartaarnermut akuersineq ilissinnut ilaqutariinnut qanoq kinguneqassanersoq.

Pingaaruteqarpoq ilaqutariittut meerarsiartaartussatut piareersimaffigissallugu meeraq kisiat angerlarsimaffissinnut tikilluaqqussannginnassiuk, kisianni inuppassuit allat ilanngullugit matussinnik ammaassiffigissagassigit.

Angajoqqaarsiatut piareersimaffigissavarsi meeqqap annivittut angajoqqaavinik aamma attaveqarfiinik, kiisalu kommunip suliassaqarfimmut sullissisuinik suleqateqarnissarsi. Inuit ilissinnut, ilaquttassinnut angerlarsimaffissinnullu naatsorsuutigisaqartut piumasaqaateqartullu.

Tassa angajoqqaarsiaanermi piumasaqaataavoq ilaqutariittut annertuumik inissaqartitsineq, ammasuuneq aamma nukissaqarneq.

Kommuneqarfik Sermersuumit sapinngisarput naapertorlugu angajoqqaasiaasut ataasiakkaat naligalugit naapinniartarpavut aamma ilissinnut ilaqutariinnut angerlarsimaffissinni meerarsiaqalersunut pissutsinut immikkorluinnaq ittunut aaqqiissutit naleqqunnerpaat atuutsinniartarpavut.  

Quppernerup imarisaa qanganitsersimava?

Quppernermut naqqiutissaqarpit?