Angajoqqaarsialerisut suuppatAngajoqqaarsialerisut Meeqqanut Ilaqutariinnullu Ingerlatsiviup ataani Meeqqanut Ilaqutariinnullu immikkoortortap ilaanniipput.

Immikkoortortami sullissisut pingasuupput. Sullissisut ilaqutariinnik inissiiviusartunik sullissisuupput meerarsiamullu sullissisuugatik. Taamaattoq Angajoqqaarsialerisut meeqqap sullissisuanik meeqqap inissinneqarneranut atatillugu qanimut suleqateqarput.

Angajoqqaarsiat sulipput Meeqqat tapersersorneqarnissaannut Inatsisartut inatsisaat nr. 20, 26. juni 2017-imeersoq malillugu aammalu Ilaqutariit paarsisartut pillugit Namminersorlutik Oqartussat nalunaarutaat nr. 17, 8. novembari 2017-imeersoq angajoqqarsianut tunngasut.

Angajoqqaarsialerisut suliassai tassaapput:

  • Ilaqutariittut angajoqqaarsiaasinnaasutut akuerineqarnissamik qinnuteqarnermi suliamik ingerlatsinissaaq aamma meeqqap sullissisua suleqatigalugu inissiinermik malinnaanermik suliaqarneq.
  • Angajoqqaarsianik siunnersuineq, ilitsersuineq supervisionimullu innersuussineq kiisalu angajoqqaasiat piginnaanngorsarnissaannut pikkorissartinneqarnerannut innersuussineq
  • Angajoqqaarsianik nakkutilliinermik ingerlatsissalluni meeqqap atugarissaarnera qulakkeerniarlugu. Tassunga atatillugu Angajoqqaarsialerisut angajoqqaarsiat angerlarsimaffiannut minnerpaamik ukiumut ataasiarlutik pulaartarput.

Angajoqqaarsialerisut sulinerminni meeraq qitiutilugu ingerlatsisarput, taamaattorli ilaqutariit sullissisuattut angajoqqaarsiat sapinngisamik pitsaanerpaamik tapersersorniartarlugit.

Pingaaruteqartorujussuuvoq, angajoqqaarsiat aamma meeqqap annivittut angajoqqaavisa Angajoqqaarsialerisut suleqatitut isigissagaat.

Erseqqissaatigineqassaaq angajoqqaarsiat atorfinitsinneqarneranni Kommunalbestyrelsi tassaammat akisussaaffimmik pingaarnermik tigummiaqartoq.

Quppernerup imarisaa qanganitsersimava?

Quppernermut naqqiutissaqarpit?