Aajuk:
Suliat allaaserineqarneri 2020 (PDF) 


Kommunimit sullissinerit ersarinnerulernissaat siunertaralugu, kiisalu innuttaasut kommunillu akornanni naatsorsuuteqarfeqatigiinnermik inissiineq pitsaanerusoq qulakkeerniarlugu, Kommuneqarfik Sermersuup Meeqqanut Ilaqutariinnullu Ingerlatsivimmi ikiorsiinermut suliassaqarfiini, ulluinnarni Pitsaaliuinermut, Meeqqanut Ilaqutariinnullu katsorsaanermik immikkoortortaqarfittut taaneqartartuni kiffartuussinerit aamma sullissinerit qaffasissusaat pillugit suliat allaaserineqarneri suliarisimavai. Suliat allaaserineqarnerini Kommnuneqarfik Sermersuumit neqeroorutini assigiinngitsuni sullissinerni atuuttuni kiffartuussinerit qaffasissusaat allaaserineqarput. Kommunimit sullissinerit suliassai pillugit suliat allaaserineqarneri innuttaasunut aamma suliffeqarfiup iluani suleqataasunut ajornaatsumik erseqqissumillu nassuiaatigineqarnissaat siunertaavoq.


Suliat allaaserineqarneri taamaattumik:

  • Ersarissuutitsipput taamaalillutillu innuttaasunut ataasiakkaanut sunik pisinnaatitaaffeqarnersut pillugit erseqqissaataassallutik.
  • Oqartussaaffeqarfimmi pisortanut sullissinermut toqqakkamut innersuussisunut sulineranni sakkutut atuutissapput.

Sullitat tassaapput meeqqat 0-18-inik ukiullit ilaqutaallu, immikkut ittumik tapersersorneqarnissaminnik pitsaaliuinermillu ikiorserneqarnissaminnik pisariaqartitsisut. Meeqqap/inuusuttup atugarissaarneranut, peqqissusaanut aamma ineriartorneranut annertuumik pingaaruteqarpat ikiorsiineq aallartinneqassaaq. Suliat allaaserineqarneri tamarmik Meeqqanut Ilaqutariinnullu Ataatsimiititamit politikkikkut akuerineqartarput ukiumullu ataasiarlutik nutarterneqartarlutik.


Suliassap allaaserineqarnerani uku allaaserineqartarput:

  • Suliassap inatsisitigut tunngavigisaa
  • Sullissinermi siunertaasoq
  • Sullitat (Kikkut sullinneqarsinnaappat)
  • Innersuussinermut piumasaqaatit (Sullissineq qanoq pissarsiarineqarsinnaava)
  • Sullissinerup imarisaa
  • Sullissinerup sivisussusissaa
  • Sulianut periusissanullu toqqammavik
  • Malitseqartitsinissamut piumasaqaat
  • Nammineerluni akiliutissat pillugit paasititsineq, tamanna naleqquppat
  • Nioqquteqartoq
  • Sullissisup piginnaasaanut piumasaqaatit
  • Nakkutilliinissamut piumasaqaat
  • Naammagittaalliornissamut ilitsersuut

Suliat allaaserineqarnerini allaaserineqartuni, sullissinernik toqqaanermi, tunngaviit makku timitalerneqartariaqarput:

  • Meeqqanut ataasiakkaanut pitsaanerpaaq tamatigut aallaaviusassaaq.
  • Suliniutit allannguinnginnerpaasussat aallarniutigalugit tunngaviusumik sulisoqartarpoq. Tamanna isumaqarpoq Kommuneqarfik Sermersuup meeqqat inuusuttullu namminneq avatangiisaat aallaavigalugit ikiorlugillu tapersersortarpai, nukissat ilaqutariinniittut atorlugit, nammineq attaveqarfiit allat peqataatillugit, aamma nalinginnaasumik pitsaalioriaaseq atorlugu, meeqqamut tamakku iluaqutaappata.
  • Meeraq, angajoqqaat attaveqarfiillu suliniummut ingerlaavartumik peqataatinneqartarput, meeqqap ilaqutariillu sullissineqarnissaminnut suli kajuminnerat, aamma ilumoortumik iluaquserneqarsimallutik misigisaqarnerat qulakkeerniarlugit, iliuusissatut pilersaarut pigineqareersoq malillugu.
  • Sullisinerit akornanni suliatigut assigiinngitsunik suliallit akornanni suleqatigiinneq, tamakkiisumik isiginnittumik suliniuteqarnissamik qulakkeerinnittuussaaq
  • Suliatigut sullissinerit aamma aningaasaqarnerup akornanni oqimaaqatigiittoqassaaq. Tamanna isumaqarpoq, meeqqat ilaqutariillu ajornartorsiutinik atugaannik aaqqiiviginninnissamut sapinngisaq malillugu suliniutip tulluartuunissaa qitiutinneqassasoq.
  • Suliat allaaserineqarneri erseqqissut atorlugit suliassaqarfik ingerlanneqartoq, innuttaasup qanoq ililluni aamma qanoq annertutigisumik sullinneqarnissani akuersissutigineqarnersoq pillugit ilisimasaqalernissaanut ikiuutaasut.



Quppernerup imarisaa qanganitsersimava?

Quppernermut naqqiutissaqarpit?