Kammagiitta – fri for mobberi

kammagiitta kuffert

Kammagiitta – Fri for Mobberi

Nittartakkami uani sammisaqartitsiffiusuni sammisanut malinnaanissaq periarfissaavoq.

Perorsaanikkut sakkussatut atortussat aasinnaavatit. Kammagiitta pillugu paasissutissat.

Suliniutip aallartinnerani periutsit tulleriiaarinerillu iluatsittut tassaapput, sulisunik pikkorissaanerit, saqqummiinerit, angajoqqaanut sakkussanik tunniussilluni saqqummiinerit, kingorna meeqqanut atuartunullu sap. ak. ataasiartumik minutsini 20-ni sammisaqartitsinerit. Tamanna pisinnaasimavoq angajoqqaat sulisullu naligiimmik maligassiuilluaatigalutik ”naleqartitat” perorsaanikkut sakkutut kivitseqatigiissutiginerat naleqarluinnartuummat.

Suliniummi takorluugaq unaavoq:

Nunatsinni meeqqat akornanni inuummarinneq aamma toqqissisimaneq pitsaanerusoq anguniarneqarput, naleqartit makku tunngavigalugit:
Akaarinnittuuneq, Ataqqinninneq, Isumassuilluarneq, Toqqissisimaneq. Sapiissuseqarneq taavalu Ikinngutaalluarneq.

Siusissukkut meeqqanut suliniut pitsaasoq, oqariartuut unaasoq: ”Kissaatiginngisamik kisimiittoqassanngilaq”

Suliniut nalimmassagaavoq aammalu naapertuulluarluni ikorfartuillunilu Meeqqerivitsialammi aamma Atuarfitsialammi anguniakkanut.

Mary Fonden, Red Barnet Danmark aamma Kommuneqarfik Sermersooq suleqatigiinnikkut suliniut pillugu isumaqatigiissusiorsimapput, aamma soorlu taamaattoq kommunini allani, KANUKOKA-mi, Ilinniartitaanermut Ilisimatusarnermullu Pisortaqarfimmit peqataaffigineqartumik.

Nunarput tamakkerlugu peqataaffigineqartumik ukioq ataaseq misileraalluni suliniut ingerlanneqarsimavoq, maannakkullu kommunini tamani atuuttussanngortitaalluni ingerlanneqarluni. Suliniut kommuninit isumaqatigiissutaavoq 2011-imi nammineq ingerlalertussaasutut, kulturikkut ulluinnarsiutaalersinnissaa anguniagaalluni.

Kommuneqarfik Sermersuumi illoqarfiit nunaqarfiillu tamarmik suliniummut peqataanissaat aalajangiiffigineqarnikuuvoq.

Meeqqerivinni perorsaasut aamma atuarfinni ilinniartitsisut akisussaasuupput meeqqat suliniummut peqataatinnissaannut, ilikkagassatut naleqartitanik pitsaasumik sakkussaqalernikkut pigiliussisinnaaqqullugit.

Angajoqqaat akisussaasuupput qitornartik tapersersussallugit ilikkagassatut naleqartitanik pitsaasumik pigiliussisinnaaqqullugit, Kammagiittap meeqqerivinni atuarfimmilu sulissutigineqarneranut tapersersuinikkut.

Peqqinneq Pitsaaliuineq Susassaqartitsivillu Kommuneqarfik Sermersuumi akisussaasuuvoq suliniutip meeqqerivinni aammalu atuarfinni tamani piviusunngortinnissaanut.

Kammagiittami naleqartitat

 

Perorsaanikkut maligassiuilluarnissami sakkussatut naleqartitat

Akaarinnittuuneq:

Inoqat qanorluunniit isikkoqaraluarpat, qalipaateqaraluarpat, allaanerugaluarpat akuerineqarluni naliginissaa.

Ataqqinninneq:

Inoqat tusaanngippat isiginngippalluunniit aamma ataqqinissaa, taamatullu peqatigiinnerni najuuffinni naligiimmik ataqqeqatigiinnissaq.

Sapiissuseq:

Sapiissuseqarluni oqarsinnaanissaq, nipangiinnarani naligiimmik inooqatigiinnissamut kaammattueqataasinnaaneq.

Isumassuilluarneq:

Eqqumaffigissagipput malinnaasinnaassalluta naapertuilluartumik isumassuilluarnernik akisussaaqatigiinnissaq.

Toqqissisimaneq:

Ataatsimoorfiusumi toqqissisimanissap toqqissisimatitsinissallu pingaartinneqarnissaa.

Ikinngutaalluarneq:

Ilisarisimasat ilisarisimanngisat ikinngutilluunniit tusaappata tusaanngippata aamma naleqartitat aallaavigalugit naleqartitsilluni ikinngutaalluarnissaq.

 

web-kammagiitta