Illoqarfimmi pilersaarusiorneq

Sumiiffimmut pilersaarusiaq imatut nassaariuk
Illoqarfiup ilaanut piumasaqaatit pillugit paasisaqarusukkuit imatut iliussaatit:

  1. sermersooq2024.gl alakkaruk.
  2. Sumiiffik pineqartoq toqqaruk.
  3. Nassuiaataa atuaruk. Immikkoortumi Sukumiisumik alaajangersakkani takuneqarsinaavoq kommunimut pilersaarummut tapiliussamik sumiiffimmut sanasoqarsimanersoq. Kommunimut pilersaarummut tapiliussat uani takuneqarsinnaaput.

Periusissatut pilersaarut 2014
Kommunalbestyrelsip periusissatut pilersaarusiaq septembarip 29-anni 2015 ataatsimiinnermini oqaluuseraa, periusissatullu pilersaarut siunnersuutigineqartumut sanilliullugu tamanut saqqummiunneqarnerani annikitsunik iluarsisartalerlugu akuersissutigaa. Periusissatut pilersaarusiaq Kommuneqarfik Sermersuup ineriartortinnissaanut kommunalbestyrelsip periusissaraa. Nalunaaruteqarnermi matumani periusissatut pilersaarutip decembarip aappaani 2015 atuutilersinneqarnissaa tamanut nalunaarutigineqarpoq. Pilersaarusiornermut periusissiaq uani atuarsinaavat. 

Kommunimut pilersaarut Sermersooq2024
Kommunimut pilersaarut kommunip pilersaarusiortarnermi sakkuisa pingaarnersaraat Kommunianullu pilersaarusiornermi sanaartornermilu tunngaviusarluni. Tassaniipput kommunalbestyrelsip siunissaq ungasissoq isigalugu avatiminik pilersaarusiornneranut sakkussai pingaarnerit, kiisalu nunaminertanut aalajangersimasunut atuinissat. Pineqartut soorlu tassaapput nunaminertanik tamanut atortussanut qulakkeerineq (soorlu paaqqinnittarfiit il.il.).
Kommunimut pilersaarut Sermersooq2024 uani atuarsinnaavat (sermersooq2024.gl)

Pilersaarutit tamanut tusarniaassutigineqartut
Pilersaarutit kommunalbestyrelse-mit sivikinnerpaamik sapaatip akunneranik arfinilinnik tamanut tusarniaassutigineqartut uani nasaarineqarsinnaaput. Tusarniaanermi innuttaasut periarfissaqarput pilersaarummut oqaaseqaatinik, maalaarutinik aammalu siunnersuutinik tunniussinissaminnut.
Pilersaarutit tamanut tusarniaassutigineqartut uani takuneqarsinnaapput

Kommunimut pilersaarummut tapiliussat, aammalu illoqarfiup ilaanut nunaannarmullu pilersaarutit
Kommunalbestyrelsip pisussaaffigivaa innuttaasunut siunniussani Kommunimut pilersaarutip imarisai piviusunngortissallugit soorlu kommunimut pilersaarummut tapiliussat aqqutigalugit. Taamaattumik kommunimut pilersaarummut tapiliussaq kommunimi pilersaarummut eqquutissaaq. Sanaartornernik annertuunik aallartitsisoqartinnagu tapiliussamik pilersaarusiortoqaqqaassaaq, taakku ataanni illunik isaterineq illoqarfiup ilaanut pilersaarusiortoqarsimanngereerpat, sanaartugassat pineqartut piviusunngortinnissaat eqqarsaatigalugu.
Kommunimut pilersaarummut tapiliussat uani nassaarikkit

Sammisassatut pilersaarutit atuuttut
Sammisassatut pilersaarutit Kommunimi sammisassat immikkut qinikkat immikkut suliarineqartussanngorlugit saqqummiunneqarput.
Sammisassatut pilersaarutit atuuttut uani atuakkit

Siunnersuut, Pilersaarusionermut periusissiaq 2014
Kommunalbestyrelsi ulloq 17.3.2015 ataatsimiinnermini Pilersaarusiornermut periusissiamut siunnersuut piffissami 2015-imi 23. marsimiit 25. maajimut tamanut tusarniaassutigineqassasoq aalajangerpaa.
Pilersaarusiornermut periusissiami Kommuneqarfik Sermersuumi kommunimut pilersaarusiornermi politikkikkut pingaarnertut killiliussat allaaserineqarput. Periusissaq uani atuarneqarsinnaavoq.
Pilersaarusiornermut periusissiap Tunuliaqutaa uani atuarneqarsinnaavoq.