Ilinniartunut inissiaq

Kommuneqarfik Sermersooq nuummiunut ilinniartunut inissiaataat marluupput.

Nuummiunut ilinniartunut inissiaatinut inissarsiorluni piumasaqaatit:

Qinnuteqarnermi immersugassap saniatigut ilanngunneqassapput:

  • Nuummi ukiuni tallimani ataavartumik najugaqarsimanermut uppernarsaat. (Inunnik allattorsimaffimmiit pineqarsinnaavoq)
  • Ilinniagaqarnermut uppernarsaat
  • Ukiuni tallimani kingullerni Nuuk qimaqqasimagaanni nassuiaat uppernarsaallu ilanngunneqassapput, najugarisimasallu allattorsimaffiat ilanngullugu. (Nuummiunut aallaqqallutik ilinniariarsimasunut atuuppoq)
  • Qaammatit februaari, maaji, aggusti novembarillu naanerini utaqqisuni allattorsimaffimmiinnissaq uppernarsarniarlugu ilinniarnermut uppernarsaat allaffimmut nassiunneqaqqittarput, uppernarsaaqqinngitsut utaqqisut allattorsimaffiannit peerneqartarput

Inissitsiterinermut suleqatigiissitaq:

  • Inissarsiortunut qinnuteqartut tulleriiaarnissaannut inissitsiterisoqarpoq. Qinnuteqartut tunngavilersuutaat aallaavigalugit utaqqisuni allattorsimaffimmi naliginnaasumiinnissaq imaluunniit tuaviortumik inissinneqassanersaq nalilersorneqartarput.

Ineqarnermut akiliut:

  • Ilinniartut inaanni ini ataatsimik initalik qaammammut akeqarpoq: 875,00 kr.
  • Marlunnik initalik qaammammut akeqarpoq: 1.700,00 kr.
  • Akiliineq qaammammut siumoortumik pisarpoq.
  • PBS-mut ilanngunnermut immersugassaq. Bankimut tunniunneqassaaq.

Ineqarnermut qularnaveeqqusiineq:

  • Inimut inissinneqarnermut qaammatinut pingasunut attartornermut naammattumik qularnaveeqqummik akiliisoqartarpoq.
  • Attartortoq piginnittorlu isumaqatigiissutiginerisigut qularnaveeqqut qaammatini arfinilinni akilersorneqarsinnaavoq.

Najugaqartut siunnersuisoqatigiivi:

  • Kollegiani ”Marlulissat”-ni najugaqartut siunnersuisoqatigiivi arfineq marlunnik ilaasortaqarput, makkuusunit; siulittaasoq, siulittaasup tullia, allatsi, ilaasortat marluk sinniisussallu marluk.
  • Najugaqartut siunnersuisoqatigiivi ataatsimuualaarnernik pilersaarusiortarput, najugaqarfimmilu inerisaaqataasuullutik.
  • Najugaqartut siunnersuisoqatigiivisa siulittaasuat, inissitsiterinermut suleqatigiissitamut ilaasortaavoq.